cwan's Birthday Party

2011.05.16

今天是我的好姊妹 -- 陳cwan 小姐的生日

在此祝她生日快樂 最緊要當然是身體健康啦

因為壽星女不想去太遠的地方

結果我們為她在細豪屋企籌備了一個小型生日會

多謝大家願意分工合作 生日會得以順利進行

有壽司 有刺身 有pizza hut 套餐 還有零食汽水等

Kelly 還親手炮製雞翼 很豐富的大食會呢!!

特別鳴謝細豪借出屋企招呼我們 還幫我們買了很多飲品

我們買了東海堂出品的"五重之朱古力" 大家都說好味道!

食飽後 我們又玩懲罰啤牌 真的笑到肚痛

不過時間關係 我們未能完全盡慶就離開了 下次要再玩過

慶幸我的姊妹們都是玩得之人 不會斤斤計較

彼此間亦沒有秘密 任何話題都可以暢所欲言

與你們在一起的時間 真的很快樂

希望這一份友情會持續下去 直到永遠 我愛你們

cwan happy birthday!

2012-05-18 星期五

其實cwan 同 cy 都是5月16號生日的...
所以今個星期頭尾都有生日飯食... 哈哈!
不過今次返上水食... 因為大家都係北區人無謂出城啦～

去左和花亭食野，六個女仔叫左勁多野食，
根本吃不完的．．．最後為了不想浪費，只好用食物盒把吃剩的裝回去了。

吃飽後大家意猶未盡，唯有轉場許留山吃糖水繼續聊天。
很喜歡跟你們在一起，無所不談，關於工作、感情、家庭，
無論甚麼也好，也可以開懷跟你們道出感受，感覺真好！love you all ^^

CY happy birthday!!!

2012-05-14 星期一

今天放工幫小學同學CY (Ching Yee) 慶祝生日。
九個人齊齊到九龍城食泰國菜「金麥泰」
叫左好多野食... 味道比想像中唔好食... 可能期望太高。
相比之下隆姐好似好食d 喎! 不過埋單都係每人$160... 價錢都算平!



大家都相識了二十年... 老了

stitch 相紙好可愛... 忍唔住要影多幾張相... 哈哈!!!!


今天玩得太瘋了... 把大家都嚇親... 不過我一直都是這樣瘋瘋癲癲的!! 哈哈!

東龍島一遊

2011-05-05

五月到了 今天難得沒有下雨 我們到了東龍島逛逛
那裡風景很美喔! 很多人一家大細去紮營露營bbq!
今天的天氣也很適合行山... 所以很舒服呀!!!

我們兩點鐘入去... 但要搭五點鐘的船返去所以一早計劃只能逛半個島
我們逛了一會就到達行山之友推介的"假日士多"
我們叫了一個魚片雞蛋麵+可樂... 麵也不錯... 一碗普通的公仔麵吃得出是用心之作


不過... 整個東龍島都是沒有雪糕出售的!!!


吃飽飽行上山後... 我們再下海... 有人話要執海膽俾我食...
點知無收穫... 但看到其他人一邊吃一邊勁讚鮮甜... 好想吃... 嗚嗚

行到五點我們就回去三家村了!
放假到處走走也不錯... 可以吸多點新鮮空氣吧!!

四月姊妹聚會

2012-04-30

每月一次的姊妹聚會又來了！今次衝出新界，在旺角覓食！
我地就番準媽媽的口味，食串燒，嘻嘻！
味道唔錯，價錢都可以接受，四個人都係食左$4xx 咋！
過左唔知9點 OR 10點... 串燒仲會再平D 添

讚兵衛 地址: 染布房街12-14號A依利大廈地下

條鲭魚真係又抵又好食~~~

今次有兩位姊妹無來到，四個人照合照！YEAH!


多謝Kelly 從韓國帶回來的手信~~ mask 今晚試用先

今朝返到公司，收到親愛的's whatsapp... 換左隻7-11 熊仔俾我~
好可愛呀! thanks! 如果你能夠一直都對我咁好就good 了!



30號 約左親愛的小學同學食放題.... 飽到上心口... 之後仲要去食雪糕添...
結果當天晚上肚痛痛地... 但又去唔到廁所..... 放假先來病... 唉!
唔知係唔係近來太多飯局，我肥左好多......... 夏天來了~ 要的起心肝做運動了! 嗚嗚!