macy's birthday

2011-01-23 星期日

macy happy birthday!!!

壽星女星期二正日生日 但佢要準備新工 將會好忙

我地提早為佢賀壽 目的地 粉嶺中心 neway + k buffet

我地狂拎刺身 其他食物都ok 不過選擇不多

成班餓狼.......... 好快KO 台上的食物了

無飲酒 純唱歌 都一樣玩得開心的

因為今日有嘲笑對象 -- 黑joe!!

串左佢成晚 搞到佢好無奈 成功幫姊妹報仇 玩弄感情係有報應架! 哈哈

唱到十點 壽星女準備離開 我地拿拿聲切埋蛋糕 影大合照

壽星女 我地咩都無準備 送上蛋糕同埋陪你唱歌開心下啦!

最後我地其他人留低唱到十二點走人 聲都沙晒 不過好玩

聽日星期一 又要番工喇 唉!!!

我們的燭光晚餐

2011-01-14 星期五

Babe 兌現承諾 整燭光晚餐俾我食

我地去Taste 行街街 見到咩都想食

最後買了羊架 、 牛扒 、生蠔、魚生 & 壽司

埋單 $5xx !! 很貴呢!! 不過人家出了突如其來的double pay 小兒科啦! 哈哈!



番到屋企我負責上網、執枱、同埋偷飲紅酒

大廚b 就埋頭苦幹煮煮煮喇! 大約九點就有得食!! 好好味呀!

久違了的生蠔 & 羊架!! 仲有我最愛的波浪粗薯條添! 正正正!

乾杯~!!! 食到勁飽勁飽!!!

食飽飯babe要寫公司 Report 咁我就負責洗碗喇!

天寒地凍真係唔想洗呀! 有衝動想丟晒d 碗碟落垃圾桶呀!!

小學同學BBQ聚會

2011-01-08 星期六

時光倒流番去上星期六

好興奮 因為約左一班小學同學BBQ 呀!

去左皇府山 從來都唔知道果度有得BBQ 囉... 哈哈!

差不多成班小學同學都係住天平的 所以有D 人就算唔BBQ 都落黎坐下

六點約左肥聰、田田、珠珠&阿牛去街市買野先

再去天平百佳買其他用品 之後Elaine 都黎join 了!

大家真係好耐無見 而家個個都成為左專業人士 有designer、秘書、研究生 真係叻呀!

之後就出發皇府山 (其實只係過條馬路咋)

大家狼吞虎嚥一輪後發覺食物剩下好少 又走去入貨

點知買完番黎大家又話飽飽地喇喎! 結果食剩好多野!

就圍埋傾計 聽吳文基自彈自唱 同埋表演跳舞 好好笑 哈哈



我小一時的好朋友珠珠

我唯一的中小學同學

準新娘子 四月結婚喇 恭喜晒

風紀隊長..... 肥聰

琪琪

肥聰玩波波 哈哈哈

情歌王子

十點散場 去左畢打奧飲野 一飲飲到四點呀 陰公!

之後佢地再去食宵夜 但我發覺有少少唔舒服就走先喇

結果番到屋企訓左一陣就開始出現痾嘔現象 成晚無覺好訓.............

雖然病了 但今次聚會真的很開心! 見番好多小時候的好朋友 感覺真好