本來都唔打算寫台北之旅 (因為無咩影相 又無咩去玩喎)
不過去台北影pre-wedding 應該係一生人一次架咋 (即係就算再影都唔會去台北啦 哈哈)
總算係一個難忘經歷 所以就決定記低 留作日後回味啦
四天三晚的台北之旅 11.05.2013 - 14.05.2013
今次我選擇了做緊promotion 的香港航空 兩個人機票連稅$2300 好平啊!
出發前我好多朋友都同我講香港航空服務差 又經常delay 試過上網book 左機票去到機場話無資料等等
但我就無呢個情況 去到counter 先慢慢check-in 仲有時間食個早餐先出發
飛機亦準時起飛 完全沒有不愉快事件發生喎
準備起飛了不過到達台北就唔開心了 因為....... "天黑黑 欲落雨"... 男友一邊安慰我 「希望在明天」丫嘛!!
去到台北車站 落超大雨 我地好狼狽咁到達位於中正紀念堂附近的法國巨星揀衫
嗯... 款式比我想像中好 不過著上身又另一回事了 可能我肥啦 哈哈
千挑萬選中終於俾我揀到5套衫 因為colour 唔想同香港果輯撞色呀
揀完衫離開已經7點 我地雖然好餓 但男友對鞋爛左 我地又要買鞋
結果又揀唔到 買支鞋膠痴住算喇~~~
終於到8點半 我地成功到達酒店了
今次選左位於美麗華附近的和璞飯店 雖然唔近市中心 但其實都係捷運站一出行5分鐘就到架喇
勝在酒店房夠大 又靜 岩晒我地hea~~ 最重要係可以對住摩天輪 好開心架!!
放低行李後搵左間家庭餐廳醫肚
我地食扒餐 超超超大份 價錢都大約係HK$400 for 2 sets 好抵食~~
食飽了我地逛逛美麗華地庫的超市 要買乾糧明天影相食架!!
巨型ironman~~ 大愛^^第一晚唔敢去夜市掃街 希望keep 住最fit 狀態影相
雖然沒有節食或做運動 幸運地那一段時間比較忙 令我可以keep 住98 磅去影相
(寫呢篇blog 時已經肥番接近10 磅了...! = =")
12 點 我們就準時訓覺了 雖然好期待 但又沒有失眠 真好
待續...
