劉BB 成長紀錄 - 十三個月

2015.10.02

又到2 號
我承認真係好懶UPDATE 因為FB 太方便了  隨手就可以UPDATE 來 KEEP RECORD
不過成長紀錄我點都會努力寫的  方便自己將來睇返

成長進度
體重: 10.46kg 成長線75%
身長: 76cm ...... (無高過)
奶量: 三固兩奶 (暫時總算成功了! 少左扭奶)

發展:
講野方面無乜大進步  有時會聽到佢叫兩下EE
不過到我問佢時又唔會理我
模仿能力比以前強左好多  見我做咩佢都會跟住做
所以佢而家每晚臨訓前都會幫我一齊收拾玩具
陪佢疊積木都會跟住我一齊疊

最大問題就係佢好為食  真係咩都擺入口
除了咬玩具  真係連廁紙都食  陪佢睇書  睇兩頁佢就會想咬本書了
同埋最近好中意扯我頭髮
我叫極NONONO 佢都係果一下停手 轉頭會再扯
點算好呢?

極為好動  除了訓覺真係無時停  手多多咩都想掂下
我覺得呢個小朋友將來一定會係老師口中的"問題學生"
我同老公講  準備開始接投訴啦@@

呢兩個星期痴媽B 上身  成日都好似樹熊咁痴住我
平時明明好愛爸爸的  但都唔要了  爸爸有時掂下佢就一副好嫌棄的樣子
就算玩都淨係想我陪  我每天都累到不得了
好彩老公幫手做下家務等我可以專心溫書同陪BB 玩

已經識行了  大概行到一小段路先會跌低
不過因為佢好心急  成日想行得快先會唔穩
企就當然完全無問題了  除左訓覺都係企多
有時想佢乖乖睇巧虎佢都會企喺度睇


其他野就同之前差唔多了

非常感恩  食方面  keep 仍然係唔錯 可以食到三固了
其中一固的份量係大人碗的爛飯  食完都唔夠果隻
以前佢會扭奶  但而家除了起身同夜晚果餐奶之外平時都唔會扭
亦都肯用飲管杯飲奶奶了  相信佢應該好快會戒到奶樽了