一直劉BB 除左好中意鬧情緒同埋好鬼惡之外 其他方面都ok
(至少肯訓肯食先)
3個月時 我地為左好訓d 都有嘗試過俾奶咀佢食
當然果陣我仲做緊佢嘅人肉奶咀 所以佢奶咀癮唔深
不過一直都知食奶咀其實對牙齒生長都唔太好 所以都盡量唔俾佢食
慶幸佢嘅咀齡唔深(只有個幾月) 所以我唔俾佢食
過左幾日之後再塞俾佢 佢都立即吐返出黎了!!
至於人肉奶咀 餵到我決定唔再埋身時 喊左3晚就已經戒左
佢食泵出來的奶一樣無扭計
小朋友.. 唔食奶咀 總會口痕痕 就變左食手指喇!
劉BB 都唔例外 食手指食得好勁 有時仲成隻手咁食
我同老公都覺得咁樣食手真係太唔衛生了
所以決心同佢戒埋食手指
復活節的時候 我地終於買左手指水俾劉BB用
原來真係好苦的 劉BB 第一次食到手指水後 連午餐都唔肯食
試左3、4次後
呢個時候老公就心軟了 覺得個仔好慘 連手指都無得食...(= =")
咁佢又話唔好俾個仔食手指水了
多D stop 佢就算啦...
咁我可以做嘅就係笑佢醜怪 仲食手指好肉酸咁
不過當佢睇電視或是無野做時 佢就會忍唔住再食返手指
為左唔想佢對手咁得閒 我每次出街都俾d野佢拎住
慢慢佢對手開始唔得閒 就少左食手指了...
到左5月頭 我又忍唔住喺佢面前幫佢搽手指水 同佢講明係"苦苦"的
佢自己都知道係苦的 就唔敢將隻手放入口
搽左兩三日 我都一樣話係苦苦的 佢又繼續忍住唔放入口 (見佢明明好想放)
到左第四日 我無再搽了 我全日觀察佢 佢望下自己隻手指就無再塞入口
好似覺得手指係苦苦的
而家已經6月中了 我暫時無再見到佢食手指 就當佢戒左先啦!!
希望下一步可以再戒埋片 不過片片我反而無咁急 因為佢而家始終2歲都未到
今個夏天慢慢教 唔得咪下個夏天再教囉! 加油~~
