由於要影pre-wedding 的關係 為食的我已經努力忍口
但做野咁辛苦 如果無啖好食都好慘嘅~
終於等到放假 可以放肆下 平衡返自己的心理嘛~!
不過因為心情不太好 所以胃口都細左... 已經減了5 lbs 了... keep 住已經好滿足喇!
假日早餐:
豬柳蛋漢堡again~! 其實上兩個星期已經整過架喇
今個星期再整 我覺得成本其實可能仲貴過m記架~
不過我用低卡芝士 用少油煎蛋煎豬柳 務求令個早餐健康d 先可以說服到自己繼續自家煮
男友覺得勁好味... 所以當天下午我問佢食咩時... 佢答我:「我想繼續食返今朝果個包....」
結果 lunch 又再整多次....... 唔知佢幾時先食厭 (佢本身係非常喜歡食m記早餐的人...)
除了自家製外 我們也有外出用膳 星期六我們在尖沙咀 他跟我說 他老闆話呢度附近有間拉麵超好食...
我問佢咩名... 佢又答唔出.... 最後...... 原來係豚王~!!
其實我之前已經幫襯過銅鑼灣果間架口... 我覺得湯太濃 唔好食... 結果我支持左一風堂...
咁男朋友未試過 我就俾多次機會佢啦~~~~~ 今次叫赤王 (辣辣辣~!! 正!)
嗯... 我覺得尖沙咀呢間真係好食好多呀!!!! 麵又彈牙~ 湯又好味 好味過一風堂
但係... 未至於好似佢老闆講到咁誇張 仲話呢度的拉麵比日本好食好多添... (佢老闆係美國人!)
放假兩天 又係時候繼續努力工作了
四月最後兩個星期除了返part time 外... 又要行fair... 又要出差喇~ 返來再update 近況吧 (還可以在facebook 見)
沒有留言:
張貼留言