快樂週末

2013-07-11 祝我的好姊妹ling ling 生日快樂!!

上星期過得很開心~~ 因為是我好朋友生日
本來約好一行五人到沙田ruby tuesday 大吃特吃
但兩位成員分別有事 我們只好改地點 到了家裡附近新開的日本餐廳吃飯~
味道比想像中好呢!!!

因為may 要OT 我地又怕人地覺得我地齋坐 所以叫左個蟹子沙律 好開胃


人齊了~ 我地就Order 食物~~ 炸軟殼蟹... 幾好味, 不過油左少少


火龍卷~~ 好味呀!


魚湯烏冬~~ 湯底超正!!


壽司好味呀!!! 好新鮮~


刺身拼盤



認識了12年~~ 慶祝了12個生日吧!! 生日快樂~~

台北 Pre-wedding 之旅 (Part III)

最後一篇了

第三天~~ 我們可以訓到10點先起身落酒店食早餐 再返酒店訓多陣先出發去揀相
好多食物款式 而且好好味!!!

嘻嘻~ 我們仲要無聊到打算在美麗華睇戲 體驗下台北的IMAX 巨幕 好震撼啊... 大到睇唔到~ 哈哈!
不過人地的3D 眼鏡真係好正... 戴得好舒服呀!

全場最靚的位~~ 最後一排正中間

之後我地就去左西門町買番少少手信同食LUNCH 食左蛋蛋屋 超級大退步 好難食啊....

食飽就去揀相 在法巨揀相好舒服 無店員會HARD SELL 你UPGRADE 任何野~
亦唔會坐在你面前睇你揀相 客人可以自己商量 揀完仲可以即時用USB 攞走所有相的Soft copy (當然係未執嘅~)
但至少都可以自己睇下先嘛!!

揀到5點走人 我地去左台北車站買超人氣芝士蛋糕 排左45 分鐘啊... 不過唔駛我排~~
男友幫我排~ 佢就叫我去行街 真好! ^^




返酒店再休息一會我地就出發食dinner 今晚去小蒙牛打邊爐~~ 款式其實同香港小肥羊差不多

但真係好平(約$150 一位任食任飲)~~ 而且品質都幾好架!! 食飽立即離場 又返酒店抖下
酒店有得播犀利人妻電影版 我地仲睇埋先落番去imax 睇電影添~~

雖然imax 太大了 但睇到一半都開始習慣 而且本身套戲非常好睇 所以好開心

今次去台北好開心~~ 因為我地完全沒有plan 去任何旅遊區~ 九份、十份、貓空全部唔去
完成影相呢個任務後只係想輕鬆放假 想食咩就咩 隨心所慾
最麻煩當然是成日食濟左啦... 真係每晚臨訓前都勁飽架!!!

第二天好輕鬆地搭一個車站到松山機場轉巴士返桃園機場 在機場foodcourt 食飽後正式完成今次旅程

blog 友聚

2013-07-05
今日好開心 Happy Friday 約了3位親愛的blog 友出來一聚 大家打打邊爐聊聊天~~
海迪為我們推介了位置尖沙咀山林道的豪門 裝修好靚啊!
而且環境好靜 很適合一邊吃一邊聊天~~~

order 了很多食物 全部都很好吃~ 價錢也比想像中便宜 其中我最欣賞竟然係魚皮 真的好好吃!



第一次見菲 同我想像中的一樣 很有活力而且很有個性
不過一點都不像準媽媽 因為仍然好瘦 大家都好羨慕呢~~
大家都好有興趣知道她之前到處「飄泊定居」的生活 因為到了不同的國家 見識總會多了..
現在終於回到新加玻定居 真好~~ 希望你之後生活會變得愈來愈充實 最緊要生個健康小寶寶啊!!!

小高同海迪已經是第二次見面了~~ 小高也是和我想像中一樣 好溫柔賢淑 又煮得一手好菜 難怪主任會如此疼愛有加啦~~~
而海迪呢~ 反而一直都以為她是弱不禁風的小女人 因為老公平時把她視作小女人照顧 原來是一個可愛的傻大姐 感覺好親切
而她們的共通點都是一班靚太~ 每天都活在幸福之中呢

雖然yahoo blog 成日都壞 但仍然好開心透過yahoo blog 認識了更多的朋友~~
我們來各不同的背景 沒有共同common friends 但不知不覺間已認識了4年吧 所以一點都不陌生
大家全程飯局無所不談 7點食到11點半才願意離開 哈哈

臨走仲收到小高親手炮製的香蕉藍莓MUFFIN 好開心啊! 成日都睇相~~ 今次終於食到了!!
多謝小高~~~~ 收到HANDMADE 食物總會覺得特別窩心的!
(我已經係第二日下午茶時段同另一半一人一件KO 左喇, Yummy^^)

明明有人幫手揸機都要自拍~~ 哈哈

台北 Pre-wedding 之旅 (Part II)

要寫就一口氣寫盡佢先 繼續PART II...

終於到了第二天 依舊落雨 我地6:45 am 出發 準時7:30 am 到達法巨
化妝師已經準備好了 睇佢外表好平凡也沒有打扮 但好細心
又肯聽取我的意見~~ 又同我傾計 好快就化左裝set 好頭了



但外面又一直下雨... 我地就等等等...
攝影師建議我改期再影 但我唔想 因為轉左新工後請假一定無咁易...
之後佢又話可以在香港影番 我又唔想 因為我已經影左了...
法巨個負責人最後俾我地去台北縣外 - 苗栗影 唔駛另外收費 我地就好開心啦
點知出發前 攝影師的朋友從苗栗打電話來 話苗栗都開始落大雨了

到了大約11點 男友就話不如照影 唔行指定路線 行到邊停雨就影啦~~
大家ok 左之後就出發了~~~ 可能因為落雨的關係 影得好辛苦 我真係笑唔出...
結果不斷俾攝影師話 助手同化妝師全程安慰我 照顧我 又幫我擔遮等等~~ (香港無架!! 咩都自己攞住!!)


影到我對鞋濕晒黑晒之後 索性掉左對鞋 著拖鞋影~~
我地先後去左士林官邸、陽明山、瀑布、農場、沙灘影 最後仲去埋淡水情人橋添...
雨勢時大時細 我地避下又影下 終於去到農場時 (大約下午4點) 停雨了!
把握時間不斷影 雖然草地都是濕的 裙也污糟了 但是大家都好專業 希望滿足我的要求
無晒心機了~!!

停雨, 開心晒~~~
收工!!

終於在8點半影完了 又不用加錢 真的辛苦大家~~
回程的時侯又繼續落大雨 我們都好感恩啊!!!
而我心裡也好感動~ 因為男友正在生病中仍全程配合我 最好笑容都係佢呀!





回到台北後我們就要吃飯了! 大食特食 到了田季發爺任食燒肉
在台北就是不同~~ 在香港如果食放題 店員真的不會理你點燒~~
在台北 雖然是放題 但店員會不時介紹好吃的食物 也會幫你燒 也很有禮貌
明明都準備打烊了 也不會催你埋單 只會默默為你服務
11點半我們才離開餐廳 到了士林夜市逛逛 呢個夜市真係大退步啊! 無野食的...
我地買了食物後就搭的士返酒店 連的士司機都是非常健談的! 好開心!
無搭幸福摩天輪添~ 哈哈





吃飽飽後 我們就訓覺喇~~ 因為真的很累很累!!!!

親愛的, 生日快樂

2013-07-02

呼~~~ yahoo blog 終於好返可以如常運作了!!!
不過成日都出現問題... 令我開始唔敢update 了... (不過放心啦~ 我仍然會睇你地的blog 架!!)

追溯返半個月前~~ 6月16日係我男友30歲生日
今年如常去一個短trip 慶祝生日, 近近地去深圳啦
住樓高87 樓的瑞吉酒店 真的好高好高


因為男朋友生日 另外upgrade 左商務客房 全酒店用ipad 控制 好in 呀! 哈哈


我地原本想周圍去 但酒店太舒服 我地hea 到7點先出發食dinner
是晚食盛八~~ 都係香港盛八的深圳分店 食物質素都唔錯架



因為新年時已經送了wii-u 俾大少爺做生日禮物 我無特別預備禮物了
但是買了兩件one piece t-shirt 著 佢係luffy 我係chopper
(因為男友話我地無情侶衫但我又唔喜歡太刻意的情侶衫喎 所以平平地買呢兩件玩下啦)


踏正12點 酒店更安排送蛋糕&香檳服務 男友好驚喜
個蛋糕都幾好味 細細件 一邊嘆酒一邊食cake 好寫意



酒店的電視更是3D 電視 有3D 眼鏡提供 我地就齊齊睇Transformer 2 啦~~

買了屋後 很快要過著節儉的生活 我們不能經常住靚酒店了 要好好珍惜呢一次喇

****************************************************************************************************

不過....... 唉... 佢真係送番個驚喜俾我... 跌爛左我部ipad mini... 激到我爆炸...
報價後維修費要$2000... 我最後決定賣左佢... 見佢唔開心~~ 我又買番部samsung note 8.0 俾佢...

好喇... 買左喇... 又唔捨得部ipad mini... 始終支援的apps 都唔同 (我係apple fans)
最後我賣左部iphone 4 再加$500 買多部ipad mini 返來....
雖然洗左好多錢~~ 但佢真係無咩嗜好 只喜歡打機玩電子產品 佢開心我都捨得洗嘅~~