劉BB 成長紀錄 - 四個月

2015.01.02
轉眼間劉BB 已經四個月大了
而家可能開始識食  開始抗拒雪奶同冰奶
呢樣野對人奶媽媽來說係一個大打擊
辛辛苦苦泵奶出黎... BB 竟然唔要喎...
激死我...

奶量: 6安士  (但其實唔係好夠的...)
體重: 8.18 kg
身高: 72cm

劉BB 暫時比同年齡的BB 高大  我諗可能遺傳左爸爸掛...
所以我而家用揹帶都幾攰的  但真係方便我接送  所以仍然係頂硬上
基本上佢都係一覺訓天光  就算我試過擺佢自己落BB床瞓都唔會喊
好似只要有得訓就無所謂咁...

仍然未識轉身, 試過幾次但都唔成功...
可以抬頭不過好懶... 抬一陣就趴低番... 好搞笑

而家開始認得我  夜晚扭計時就一定要我氹
老公點搞佢都唔制, 連奶咀都唔我, 一定要我抱一陣
到擺左佢落床時  如果佢又想扭計 我只要俾隻手指佢捉實佢就會靜晒

仲有佢真係好古惑  想抱果陣  喊係冇眼淚的
遠處只要見到我或老公行緊過黎  佢就會望下我地
一伸手抱就笑到卡卡聲  好好笑

帶佢返健康院打針  姑娘話佢重量已到頂點  唔好俾佢肥得咁快
但其實佢都係每4小時食6安奶  會食得太多嗎??
遲D 佢識爬郁動多D 應該會瘦番少少掛!???

XMAS HOLIDAY 2014

生左BB 之後  基本上FB, BLOG 都係關於BB的
因為去邊都有佢份呀.. 哈哈!!
而我身上的脂粉都未消滅到... 體重仲有18磅先返家鄉呢...
雖然好多衫褲都著得返, 但實在是肥了一個碼啊! 傷心~~

聖誕節假期  基本上我都病住過的... 哈哈... 簡直係賤命...
返工時鬼打咁精神  一放假就病...

21/12 出席了KOBE BB 一歲生日會
KOBE 媽媽真的好用心  BOOK 左場叫到會  食物都好好味
地方佈置得好靚~~~ 仲有抽獎添!! 劉BB 都有禮物收! 真開心!!
祝我寶貝契仔生日快樂! 快高長大~~~ 將來要錫住劉BB 呀! ^^

 





































22/12 冬至  兩家人都已經提早左食飯  而我本身果日都要返工
所以就簡簡單單喺屋企食算喇  本來想打邊爐  但最後我遲左收工街市無野買
我地就叫左元氣返屋企食  老公仲買左D 靚水果返黎整個水果盤俾我食
這是我們第一次一家三口過冬至呀! 開心開心~~~

23/12 公司XMAS PARTY
老闆選了位於中環的高級餐廳SEVVA 
Ms B 的Rainbow 蛋糕就出名了  餐廳就未聽過...
我呢d 平民無乜事都唔會特地book 間咁貴的餐廳食飯呀...

老公同劉BB 都有一齊出席  等我唔駛咁悶
不過其實帶BB 出街好麻煩  好彩回程時公司司機車到我返屋企樓下
論環境 -- 好靚啊! 真係一流, 特別係OUTDOOR 如果一邊飲野一邊傾計真係一種享受
論Service -- 唔駛講啦... 一定係細心到爆... 見我有2聲咳就有熱水送到
論食物 -- 好精緻, 龍蝦好好味 前菜都唔錯  但主菜真係好一般了

不過高級餐廳  好多時都係食環境嘅~

我地成班同事都唔中意個老闆  個個都係為左24號額外假期而俾面出席...
食飽快點散水仲好啦~ 哈哈哈!!!!



28/12
約左一班都係住沙田或馬鞍山, 9 月生完BB 的媽媽們出來一聚
地點係PLAY PLUS BABY SPA
今次因為約得比較急  所以得6個BB 可以出黎咋
但都好開心~~ 一池BB 一齊游水,

大家都係9月出世的BB, 而劉BB 明顯比其他BB 大一個碼
其他媽媽都唔信劉BB 係9月出世的, 因為佢已經著緊人地6-9 MTHS 的衫仔了...


2點半開始玩, 4點就走人了! 下次希望多D 人啦~~~ 仲可以去一個坐耐D 的地方!