終於講到生日會了... 我媽成日話 人生得一個一歲 你點都要幫BB 搞個生日會啦...
問奶奶 佢就話: 之前BB 都無擺百日宴 不如擺幾圍同佢慶祝生日啦@@
我全部都reject 了 唔係覺得佢一歲唔重要 但始終佢未識性
生日會就算請人來都係我自己的朋友 好似無咩意義
人生雖然係得一個一歲 但兩歲三歲甚至三十歲其實都係得一個
擺幾圍更加唔駛諗 擺周歲酒我覺得好老土 係大陸人先做的...
我地又無咁多親屬 兩家人食餐飯咪算囉...
好啦 咁我就諗住提早兩家人食餐飯啦 但我奶奶係極度抗拒出街食的人
佢想屋企煮 但佢屋企根本容納唔到我一家人
咁我明白佢覺得女家就唔係家人.. nevermind... 咁分開食啦 唔駛煩!
結果星期六就返左奶奶屋企食 星期日就返娘家食
正日我地自己在家幫BB 慶祝算了!
星期六
除了夜晚去奶奶家食飯 我們白天就參加了902 BB 生日會
有2X 個BB 一齊參加呢個生日會呀 會場都有好多野玩
有車車 煮飯仔 波波池 隧道 諗得出的都有了
仲叫左到會俾大人食的
可能劉BB 在家成日都有波波池玩 出到去就無興趣了
反而佢STAY 得最耐就係煮飯仔 不斷搵D食物出黎放入SINK 盤度
好可愛 仲同爸爸玩琴添...!!
劉BB 好中意就係同人玩 見到咁多小朋友在場
佢當然撩啦 見到女BB 更加想錫人地添 要媽媽出手阻止先STOP 到佢
劉BB 唔好太熱情呀~~ 會嚇親女仔架~ 知道嗎?
由兩點半玩到五點半 最後急急腳食埋生日蛋糕影埋大合照就走人了!
都未行到MTR 就已經攰到訓左了
訓醒已經返到奶奶屋企 當然有禮物收啦 不過因為BB 末識玩啊!
遲D 先拎返屋企了!
星期日
晚上同娘家食飯 我哥請晒 因為佢仲欠我一餐生日飯呢!
我地去左食泰國菜 好味呢! 不過唔算特別平呀~~
食完飯就返屋企唱生日歌同埋食蛋糕 亦係劉BB 人生第一次食CREAM~
佢當然覺得好美味啦 食完仲想再食 不過第一次我唔敢俾佢食咁多呀!
生日前一天 姨姨一家都幫BB 簡單慶祝一下生日 BB 好開心啊!
到了正日
我原本打算夜晚出街打邊爐的 點知下午開始劉BB 就發燒了!
第一時間當然帶佢睇醫生 出門口時佢仲突然嘔奶 把所有食過的粥同奶都通通嘔出來
我本能反應第一時間拎隻手去接 佢嘔完可能唔舒服仲扭計要我抱
我望住成架充滿奶的BB 車 成身都係奶的BB 唉 頂硬上啦 照抱
又折返屋企幫佢沖涼 換過另一架後備BB 車又趕快出門口了
睇完醫生食藥後佢好快就訓左 不過就扭到爆 唔肯自己玩一定要抱
老公以為我無時間煮飯就走去TASTE 買壽司我食
我地就拎埋之前食剩的餸一次過清晒佢啦~~~~~~
BB 媽媽唔會忘記你第一次生日就送咁大份禮物俾媽媽的!
明年唔可以再病了~~ 要身體健康呢!!
仲要多謝大家送俾BB 的禮物 BB 有排玩了~~
