打一歲針

2015.09.04

原本劉BB 係9月3號打針的  不過由於公眾假期的關係  就改後了一天
今天老公特意放假帶劉BB 打針  因為之前幾次他也沒有去呢!
今次打"邪惡一歲針" 喎... 當然要來支持阿仔啦!!

有爸爸又怎能沒有媽媽的支持呢!! 媽媽請了下午的假, 劉BB 剛磅完重我就趕到了!
劉BB 當然覺得好新奇  因為爸爸媽媽同時間陪自己喎  心情也大好
周圍撩其他準備打針的BB 玩

等了半小時左右就入房見姑娘  姑娘先給劉BB 兩個小積木
看看劉BB 能否用小手指把物件拿好  之後當然有星星餅測驗啦
左手試一粒  右手試一粒  食星星餅對劉BB 來說簡直是輕而易舉呢!
食完兩粒後  他還想食就向姑娘撒嬌了! 姑娘手上剩一粒就俾埋劉BB 了
不過劉BB 自己掉了  哈哈哈!!

跟住姑娘會俾本書仔俾劉BB 試下揭書  亦俾左架車仔劉BB 玩一陣再問佢拎返..
劉BB 又點會俾呢?? 不過最後都用其他東西把車仔換回來了, 不能拿走姑娘的東西啊!!

之後姑娘就問下劉BB 的飲食情況  而劉BB 的成長線已經由95% 跌返去75%
暫時體重10.18 KG  雖然瘦了  但姑娘說這是正常的  而成長線都非常好!
飲食也不錯  奶量足夠  不過姑娘還是建議可以加多一餐固體取代一餐奶
也可以試飲盒仔奶  劉BB 一歲了  可以嘗試的食物就更加多了!!
另外也可能慢慢戒奶樽了  嘗試用飲管飲奶。

劉BB 被評估各方面也不錯
只是一些指令唔知劉BB 係聽唔明  還是聽得明唔想做  畢竟有D BB 係"好有性格的" 啊!
叫我俾D 時間多觀察劉BB  如果有問題可以再返來健康院  否則就歲半見了!

見完姑娘後   劉BB 心裡仍然大好的  因為玩完玩具  又食完星星餅
當我們進打針房之後  劉BB 見到姑娘還是笑容滿面的  很快打完第一針後就變臉了
不過只是哭一會兒  之後姑娘再打第二針  WOW... 劉BB 大哭了!
完全失控  喊到面都青了  不斷掙扎  企圖想推開姑娘  幸好老公捉實
姑娘說未見過BB 反應咁大  於是建議休息一分鐘再打第三針
今次轉右脾了  劉BB 一見到姑娘拎起支針就已經喊定了  不過因為之前打第二針喊得太勁
打完第三針再喊多一陣已經無晒力  我們要等十五分鐘才能離開健康院呢!

不過很快劉BB 已經睡了  可能是哭得太累了吧!!!

回家後  訓醒了就好快餓  自己食麵包飲水了~~

後話:
當奶奶知道劉BB 打針開始發燒後就一直在說BB 很可憐
為什麼要打針 以前的人不打針也是好好的... 無啦啦要BB 捱三針好慘等等!
仲叫我自己試下俾人打三針睇下有甚麼感覺@@

坦白說  一直也有捐血習慣的我  又怎會怕打針呢?
打針當然很可憐啦  但畢竟是疫苗  要保護小朋友的健康啦...
自己做父母的親眼見到子女喊住打針  一定比任何人心痛呢!!

結果第二天一早奶奶就走過我家  一直抱著說"BB 慘慘  媽媽真衰"...
我都無眼睇了  只是同奶奶講  "BB 微燒啊! 要休息"  趕快送客吧!!
當然都有向老公稍為投訴啦... 老公就找機會跟他的母親大人慢慢說了
別在小孩面前不斷說媽媽是衰人吧? 劉BB 大了  會聽得懂的.. 打針是做壞事嗎?

激氣啊!!