我的聖誕假期 - 平安夜

2012-12-24

由於我有積左數天大假未清... 所以我由12月20日已經開始放假...
但因為公司每年24號都會食飯... 咁我就返工... 半日咁多啦~ 嘻嘻

24號公司放早呀~ 12:30 就到沙田帝都酒店吃公司的xmas lunch
今年是半buffet 形式，我主菜揀左龍蝦天使麵（其他同事都係揀鵝肝拼鹿肉，佢地話好好食！）
麵包、湯同煙三文魚都好好吃，再食埋主菜，我基本上都無位塞甜品了！





每年老闆都會送一份聖誕禮物俾我地成班同事，上年係H2O+ (我到而家都未用...)
今年就轉左送SHISEIDO 了... 喜歡程度都係一般啦...


本身已經訂左3:00 pm戲飛同男友睇戲... 點知男友新老闆叫男友放3點喎...
最後佢都俾男友2:45 pm 離開公司... 因此, 我地去到戲院時已經遲左半小時了!

睇完戲5:30 pm 我地原本plan 左出去食架! 但伯母打電話叫我地返去打邊爐...
仲已經買好晒野了..... 我地就唯有返去啦... 點知佢完全唔會買我平時中意食嘅野...
咁我都算啦... 人地唔係奉旨要買埋我果份嘅，男友就陪我去街市買我喜歡吃的食物啦！

今日天氣凍~ 打邊爐暖笠笠..! 平安夜就這樣過了！