慳錢好難... 要努力學習整野食了!

話說我地呢兩年要決心儲錢，現在很多時候都是在家吃或帶飯（只會同朋友聚會才出去食）
但是有時還是會心思思外出用膳，因為有些東西不能自家製啦～
例如～魚生！還是要出去買出去食呀！哈哈！

我足足兩個月也沒有添置新衣了... 也沒有買新boot... 沒有買貴的護膚品...
為食的我... 只想食喜歡的食物平衡下心理~

小洚壽司癮發作　好想食魚生壽司喔．．．晚餐貴唯有改吃午餐啦
上星期一lunch 到了男友公司附近陪他食lunch 第一次幫襯元氣的set lunch 咋
$60 一個set 應該還可以吧... 魚生尚算新鮮

吃了壽司止癮 我就乖乖繼續慳錢吧

早餐想吃蛋治 沒問題~ 自家製要有幾厚都係問題 平過去茶餐廳食

晚上牙痕想食甜點 都無問題~ 用屋企剩餘的物資蒸番底椰汁糕
好香哇~~ 不過個面唔夠靚!! 味道都唔錯


我呢個月成日見到朋友們在facebook post 士多啤梨相~ 韓國士多啤梨最好味就係呢個時候了!
但見到好多地方都賣好貴(約$70一盒)~ 終於俾我見到$39.5一細的韓國士多啤梨了!
相中有三份二啦... 都幾甜呀~!!

唔夠甜仲有西瓜 我話冬天西瓜唔靚架! 男友堅持要買堅持要食~ $16...好啦!
真係起晒沙喎! 仲幾甜添~~ 呢度食左一半先~ 另外切好一盒放在雪櫃佢明天放學返來自己慢慢食啦

我整咁多野食係有回報架... 呢個飯盒係我男朋友整番俾我第二日返工帶飯的 全部都係佢自己煮的!
不過雞翼都燶了... 照食啦... 哈哈!!

即興姊妹聚

今次姊妹聚係因為身在英國的彭彭突然回來了
大家立即擠一個期回來同彭彭吃個飯~

話說彭彭回來是因為她的一位好朋友突然有腦癌
發現時已經是第四期了~ 現在正在吃化療藥維持生命 最多只有半年...
我聽完覺得個心好唔舒服 一個女仔30歲都未夠.. 大好前途...
有快樂的人生, 有一份出色的工作~ 卻要面對病魔!
希望奇蹟會出現啦.....

好啦... 講番開心事~
我地今次又去番以前最愛幫襯的茶餐廳 有十多年了!
因為呢間餐廳佈置有少少黑 我地十幾年來都係叫佢"黑炆炆餐廳"
我們最愛吃平價扒餐 想起我們在中四時... 隔個星期五我地幾個就會來吃晚餐(為什麼以前咁有錢架?)
當時一個扒餐$40 有大大塊扒、大大個餐包、餐湯還有飲品
如今雖然已加價至$55 味道也稍為退步... 但我們吃的那份人情味 那份回憶

我們一直待到餐廳打烊才願意離開 唔夠喉就轉場去五代同堂吃糖水
我的家附近終於有間似模似樣的甜品舖了 真開心~
四個人每人揀一款再share 食~

終於 到了十二點半散場了 因為明天還要返工~ 今次一別~ 要等到五月才可見到彭彭了 五月~ 快點來喔

聰聰生日飯局

2013-01-14

我們每位小學雞生日都必定會有生日飯局的 2013年第一頓飯就是這個肥仔了! 哈哈!

呢位人兄仲剛剛識到新女朋友~~ 好風騷呢!

我地今次順應壽星仔要求去左食放題~~~ 因為是星期一的關係 沒有很多人
所以服務都很好~ 而且我們這一台是另外開一個場坐的...
起初我以為是因為怕我們嘈的關係....... 原來.....

到咁上下, 佢地會關左我地呢邊的燈~ 然後開咪宣佈:
"祝11號台果位靚仔生日快樂!!!" 全場其他食客都紛紛大叫生日快樂
侍應就會捧上蛋糕加上大大candle~~ 哈哈! 壽星仔非常high!

終於試到呢期大熱的彩虹蛋糕了~ 我覺得上面的棉花糖很好吃!
蛋糕好靚~ 食的人一定會感到好開心呢!



切蛋糕前來一張大合照~~~ 生日快樂! yeah!

2013年~ 新年雜記

2013-1-12

2013年終於來了! 繼續充實 繼續有飯局 繼續煮煮煮 繼續玩玩玩
不過..... 今年可能沒有多餘資金去旅行了~ 因為要很努力儲錢呢!
唉~ 男朋友給了我一個很大的難題... 令我很頭痛... 煩惱中 (下篇先講)

講番開心野先~
今年因為姊妹們都很忙 我們把maymay 的生日飯局延後至1月4號先舉行
到了粉嶺一家日式餐廳... 呢間餐廳有日式同西式食物... 而且仲有甜品添~
食物價錢不貴~ 味道也不錯! 可能我地都掛住傾偈了~
六個女仔~ 淨係傾近況, 把口已經非常唔得閒啦, 哈哈哈!


maymay 帶埋小女兒睎睎出來~ 睎睎同家姐仔瞳瞳一樣... 小時侯似足爸爸~
希望她長大後會開始似媽媽啦~ 畢竟是女孩子嘛...

我地幾個輪流抱~ 她都非常合作... 雖然已經開始唔耐煩了!!


坐了兩個小時~ 堆單前來一張久違了的大合照! 我地姊妹淘的成員位位年紀一樣喇!

2012-1-10 星期四
媽媽到印尼探望外婆 家中沒有人煮飯 我就相約弟弟陪我去逛街了~
男朋友是一個非常喜歡待在家的人 因此我是極不喜歡約他逛街的!! 無癮呀!
現在弟弟有女朋友了~ 我更加要珍惜兩姊弟一起逛街吃飯的時光~~~
我們到了IKEA 吃晚飯~~~ Total $64 咋! 吃得很飽喔!! 好抵食呀!

星期五 放假 男友下午會從大陸工作回來 咁我就開爐煮野俾佢食啦~
有焗羊架、肉醬千層麵


製作過程非常順利~ 再塞入薯蓉在邊邊位置就可以入爐了!!

正當我再整完羊架時... 走出廚房男友已經在吃了! 沒有制成品的照片了!
因為他是極不滿意我煮野食永遠都是先餵飽相機... ok... 不餵啦~~ 直接開飯...

我的聖誕假期 -- 除夕飯局

2012-12-31 很快很快又到了2012年的最後一天
世界末日沒有來臨 我們還是要好好生活下去 繼續享受人生!

中午到深水埗買東西 之後再到屯門睇戲"無敵破壞王3D"
整套戲不算很好笑 但盡面很漂亮 是色彩繽紛的糖果呢!
結尾也有一點感動位~ 如果一家大小來睇 小朋友一定很開心呢!

睇完戲已經7:00 pm... 我們立即搭巴士趕快到沙田會合朋友們

話說我們的好朋友認識了一個新男朋友~ 想介紹給我們認識
我們就把除夕夜空出來跟好朋友的新男友見面吧!


我們一行六人到沙田打邊爐 不是甚麼大餐廳 只是屋村裡的室內大排檔

食物味道也不錯 雖然沒有海鮮 但我們還是吃得很開心 天氣凍打邊爐更加開心!
老闆很有愛心的 曾經上過電視 因為老闆每個月16 號都會免費請長者食麵架!
可以說是良心食肆! 香港很多餐廳應該有樣學樣 雖然少賺d $$ 但幫到人應該比賺錢更開心吧

吃完已經11 點了 我們到了尖沙咀食糖水後 朋友們就到了海旁等倒數
畢竟是他們第一次過除夕啊~ 我和男友才不會做電燈膽呀!
但因為怕太多人的關係 我們未到12點已經搭mtr 返歸了
所以我們的12點是在地鐵上倒數的 哈哈!!

新一年 要好好努力~! 各位blog 友都加油呀!!!