再來泰菜飯局

2013-05-08 星期三

無錯! 又食泰國野~~ 不過今次同另一班朋友仔食 也在不同的餐廳!
原本諗住去金剛小儀之前介紹的正宗泰菜度食 點知落大雨 去唔到 (果度係露天的~!!)
最後轉場去食另一間泰國餐館 -- 泰皇悅

一行七人 order 八個送... 食到好飽 仲有生日蛋糕食! 好開心哇!!
生蝦 唔夠鮮味~ 通菜好味道呀!! 炒河都好食... 黃咖哩完全無咖哩味..


條魚好味~ 冬陰公湯底!! 拼盤同串燒都好味~~~


其實仲有冬陰公湯 & 青木瓜沙律 但太遠所以無影相
食咁多野... 仲要請兩個人... 埋單都係每人夾$183 我覺得好抵呀!

呢頭話好飽好飽 轉頭就食蛋糕~ 好靚的藍莓芝士蛋糕
因為酒店出品 唔食得都睇得 有金箔架 哈哈! 其實味道都唔錯 不過芝士味唔夠重

最後 來張大合照啦~~ 兩位壽星都係認識了十多年的好朋友
女仔係小學同學就唔出奇啦 男仔呢... 就非常奇妙 我地係ICQ 認識架! 但佢原來又係我前男友的好兄弟
所以之後好快就做左好朋友 沒想過同前男友分手後 同佢地仍然可以Keep 住做朋友呀!
呢班人曾經在我失戀最down 的時候撐我、安慰我 所以我都當佢地係好朋友 好兄弟

生日快樂呀~~