咁快就五個月了!
劉BB 已經重9.5 kg 即係已經超過20磅了...
所以單手抱佢係好辛苦的~~~
5個半月 開始八卦 飲奶唔專心
只要有聲音佢就會立即停止飲奶左望右望
同埋開始厭奶 以前一直都飲5安半
而家有時飲4安就已經唔肯飲
完全唔識轉身 (可能因為太肥吧)
姨姨話佢曾經成功轉過一次身 但太突然拍唔切video
所以... 我仍然當佢係唔識轉身的 哈哈
終於有自己的私家椅 好多人都喜歡女仔選粉紅 男仔選粉藍
但我今次就選了黃色的 男女都坐得呀! 將來如果俾人都冇問題呀~
一坐上去就識笑了~
不過最近劉BB 病了 扭得好勁 咳到佢自己都喊埋
半夜自己咳醒發脾氣 睇左2次醫生都冇用 最後又再睇一次
醫生決定用抗生素了 因為咳得太耐 ....
唉 我有係寧願我自己一個人病呀..... 好肉赤...
BB 你要快D 好返呀... 爸爸媽媽都好心痛呀!
小洚，劉BB又大個左好多啦！好可愛呢 ~
回覆刪除快過年了，你會否更加忙？今年有劉BB陪你們一齊拜年啦 ~ 記得要影多d靚相！:)
家下d BB真係好食好住，快高長大，唔駛幾個月就好重磅，想當年小Ryan又係咁...3、4個月人仔已經20磅，仲要做校長成日唔比人坐！衰豬仔！
但而家小Ryan 好標準wor, 又唔會好肥呀... 我擔心劉bb 太肥咋~~~
刪除都唔會特別忙ge, 分開d 野慢慢做, 清潔又有媽媽幫手, 都ok 呀^^
咁你呢??? 個廚房都有排執了, 哈哈
小洚，恭喜發財！小高在這裡祝願你們一家心想事成、身體健康、大吉大利！開工未？開工大吉！^^
刪除ha...我呀？還好廚房重地經常打理，所以唔駛點樣大執，同埋今年狠心左好多...唔用、唔要或者過左期的東西通通無得留底，d吉位比我放置靚煲！haha...
今年有冇阿b去邊度玩？^^
嘩，好重磅。
回覆刪除小心啲呀，現在病菌好勁。
yes.. 好重... 抱到我手軟~~~
刪除嘩，5個月就20磅，勁呀！！
回覆刪除包包嗰時又係肥仔，6個半月先返身，冬天又多衫呢！
不過5個月大細唔好企住，會o型腳架！特別係劉bb咁重磅，對腳仔唔好，記得同ee講！
其實都係每日企3-5分鐘, 算唔算多呀? 我想俾佢練下隻腳, 因為健康院姑娘話打6個月針會test 下佢企唔企到... 佢而家連坐都未hold 到... 好擔心下個月返去會fail 呀...><
刪除5個月20磅，的確犀利呀， EE 湊得好好，鳳鳳好幸運喔，有個好 EE ^V^
回覆刪除嘻嘻....黃色好呀，男女都OK，下胎生個女，可以繼續用，HEEHEE
邊好似你咁好命~~~ 我都想生個女!! 你最叻女呀~~ 陀2次生3個, 有仔有女, 一家5口咁開心^^
刪除佢笑起嚟好甜呀！
回覆刪除好重喎。。我個仔先係廿幾磅，真係差不多咋!
佢真係好重啊!
刪除