我的30歲生日

2015.08.01

哈哈哈, 對啦, 八月的第一天是我踏入3字頭的第一日啊!!

以前總是在想: 30歲的我... 會係點呢?
想不到30歲的我  已經一步一步完成人生許多的大事了

今年的生日是星期六  放假真好  早上我的好朋友特意過來我家樓下請我食早餐
仲帶了玩具送給劉BB  回家後我就奇怪  點解我生日係BB 收禮物嘅?
不過  BB 開心就係我開心了! 哈哈~~ 算了吧, 感恩我的朋友都很愛我的劉BB^^

中午我們就出發荃灣了  因為老公book 左間酒店帶我同BB 去玩呀!!
可以放一日假唔駛做家務已經好開心了!
以為劉BB 仲細咩都唔識  點知佢一入到間房見到大床同SEA VIEW
係咁笑 係咁笑  真係好可愛

酒店有個小朋友玩的兒童室  剛好裡面無人  我們一家三口就"包場" 玩了
亦是劉BB 第一次玩波波池  佢覺得好新奇  又有少少驚驚地咁

玩了十五分鐘  因我們趕著出去食晚飯  所以就要走了
但劉BB 哭了  仲想玩仲想玩  嗚嗚....
(所以第二天  廿四孝爸爸就取了150個波波回來俾BB 在家自製波波池了 哈哈)

我們今晚的晚餐... 黃金海岸酒店的Buffet  近近地 (只需10 mins 巴士就到了)
預約了6點半  但我們5點半就到了  就周圍逛逛  呢個時候BB 就訓了!

逛一逛  拍拍照  很想就到6點半  我們立即入場開餐了  好肚餓
BB 又要食埋一份  好彩已準備好BB 的晚餐、零食
而且我們又坐OUTDOOR  就算BB 吵鬧也不會太騷擾別人

呢間酒店的質素一向都不錯 (就只係無生蠔)  而且有生日優惠買一送一

感覺就是好抵了! 吃得飽飽的就慢慢行到巴士站再搭車返酒店

***************************

第二天起床  我們就去了泳池游水  可能昨晚玩得太累
所以劉BB 也沒有精神  游游下竟然訓了  我們就立即回房間了

一點半Check out 後我們一家人便出了荃灣市中心食飯
老公順便陪我去捐血  每年生日也會做的事就是捐血

提醒自己又健健康康地成長了一歲  用自己有的條件去幫助有需要的人
除了捐錢外  也希望可以捐血!!

捐血後  我們去了吃飯  陪老公買東西後就一家人跳上的士回家了!

今個生日仍然過得好開心呢!!!