劉BB 成長紀錄 - 十一個月

2015.08.02

成長進度
體重: 10.9 kg
身長: 74 cm ...... (無度過, 照當佢繼續74cm 先)
奶量: 兩固+四奶

發展:

講野方面無乜大進步  仍然都係果幾個字  其他都唔太肯講

最多都係"啊" "啊" 咁囉...

未識自己行, 一定要扶住梳化先行到 

開始嘗試企  不過都係企5秒左右就會跌低

又出左兩隻牙仔, 而家即係有7隻牙仔了

可能因為牙痕關係, 咬野咬得好厲害  木圍欄上都係佢嘅牙印

仍然唔肯執玩具  連玩具箱都幫我拆埋 

好中意玩電線  拎上手就拎黎咬  嚇親我

繼續唔怕死的精神  成日企圖想由床上面跳下
好中意玩lego  而家學緊自己砌埋  而唔係第一下擺入口食

開始唔肯被圍  有時想去沖涼或煮飯  一放佢入playmat 就開始扭計

起初係扮喊  見我真係唔理佢就會變左真喊  好似好可憐咁

而家只要同佢講: BB 開心時拍拍手, 佢就會一邊拍手一邊笑

同佢講"劉XX, 到" 佢就會舉手, 識得Give me five 同byebye

不過飛吻就唔識喇, 因為佢隻手只要接近個口, 佢就會順勢食埋手指

仲第一次玩波波池  玩左20分鐘叫佢走喇  佢就喊了
咁唔捨得呀...

食方面  keep 得唔錯  會食通粉做早餐  未搵到佢唔食嘅食物
仲開始想自己筆黎食添

而家每逢星期三同星期日就會食烚蛋

尋日剛剛先試左人生第一粒BB 芝士  估唔到佢咁愛...

食完都仲想再食  最愛的水果應該係火龍果, 可能因為"林" 同埋甜

會一邊食一邊笑一邊拍手  真係好可愛

亦因為咁  而家想同老公兩個人慢慢食下飯都唔得

劉BB 見到我地食  如果佢無份食就會嘈  所以我地餵佢食仲多過自己食

希望佢大D 後識自己食野會好D 啦~~~

下個月就一歲了! 前晚同老公講, 出世果陣好細粒  而家已經咁大份了!

BB 的成長真係好AMAZING 呢!!