BB 真係愈大就愈曳 好多手
上星期 劉BB 就在姨姨屋企 趁姨姨人有三急時衝去玩洗衣機
點知就俾洗手機門夾親隻手仔
最初都以為無咩事 但到左第二朝隻手更腫了
就決定帶BB 去睇醫生喇!
醫生就話BB 隻手指有瘀血要放出黎
再轉介去威院照X-RAY
等候期間劉BB 仲要唔耐煩 大吵大鬧
返到屋企就扭計 又要沖涼又要食飯仔
我呢... 因為公司有個重要會議行唔開
辛苦老公忙左一日去照顧呢個BB喇!
人人都話, 劉BB 今次隻手咁痛 以後就會驚左洗衣機
但事實並唔係咁囉... 佢照舊成日想行去部洗衣機度玩
廚房係有門欄的 但有時我地行出行入佢就會趁機衝入去
又或者玩櫃桶... 玩電線 總之唔危險的就唔玩...
真係睇少眼都唔得 如果得我一個在家
有時連廁所都唔敢去啊...
到左今日 劉BB 隻手指無咁腫了 但都未完全消腫呀...
希望佢快D 好返啦...
哇，睇到都痛，劉bb 要乖乖地！唔係又整親架啦！
回覆刪除哇，睇到都痛，劉bb 要乖乖地！唔係又整親架啦！
回覆刪除我老公話, 喺劉BB字典內沒有"乖"字...><
刪除小朋友唔識驚~我表姐個3歲半月~玩門夾親手指~手指尾成塊指甲甩左~
回覆刪除出院後繼續玩門..
所以我覺得佢會再接再厲啊!><
刪除睇見都肉赤﹗不過佢哋真係唔識驚㗎﹗最好都係睇實D同加D安全設施保護吓佢哋
回覆刪除因為係姨姨屋企, 對方唔想加圍欄我都無辦法,而家另外搵人湊BB又唔易WOR... 唉!
刪除「ee 唔想加圍欄真係無辦法，另外搵人湊BB又唔易」<--對啊，唯有希望劉bb唔好再玩洗衣機啦~~
回覆刪除不過我都覺得有d小朋友即使整親過，下次都會再玩的。
佢地可能會玩得更小心、更機警，呢d小朋友係聰明型，劉bb 應該係呢種，下次再玩都唔會夾到~ 你可以放心啊，heehee...
希望係咁啦, 佢而家簡直係勇者無懼, 繼續挑戰
刪除