每年一到了十二月就會無晒工作動力
因為有好多假期 有好多不同的聚會
24.12 平安夜
早上要返工 3點放工後就同BB 一齊去參加Playgroup 的xmas Party
傻豬仔見到爸爸媽媽都帶佢一齊去 興奮到自己喺度傻笑
幼稚園的安排好好啊!
除了平日的唱遊堂之外, 另外仲分別有四個不同的攤位啦... 有波波池... 有小食... 仲有抽獎等
不過對於為食的劉BB 最吸引一定係一籃籃的小食啦 哈哈
玩到4點幾就返屋企喇 本來諗住去新世紀影下姆明
但劉BB 已經無晒戰鬥力所以我地就返左屋企了
夜晚買左D 牛扒壽司生蠔返屋企食飽飽就度過了平安夜喇!
25.12 聖誕節
去左朋友仔屋企參加聖誕PARTY 有3個BB 一齊玩
Join 埋一齊就識爭玩具了
在家玩完 大人食完野 就帶左小朋友去平台的公園玩
係劉BB 第一次自己SIR 滑梯呀 所以佢好開心笑到眼都唔見埋
原本諗住玩到4點半就走 但由於太開心
最後玩到5點半先走 搞到我地要搭的士返公公婆婆屋企食飯添
返到屋企都已經9點 呢個小朋友累到等沖涼期間已經訓著左
26.12 BOXING DAY
呢兩父子一早起身就拆左我之前買果粒大金莎
一早我地就去左屋企樓下飲茶
到了下午就出發去BB 姑媽屋企玩喇!
姑媽住深井架~~ 好遠 但車程總算方便
劉BB 搭車時亦需要不斷食零食同陪佢睇書先會冷靜一陣
(嗯... 係咪要考慮買車呢?? 不過好吃力呢!)
姑媽屋企好大 亦為左表姐仔順利考上中大醫科 我地今日食得好豐富
仲買左份禮物俾佢添!! 我知道讀醫一定好大壓力~~ 要加油呀~~~
27.12
在家休息
下午帶左劉BB 去樓下室內遊樂場玩
佢好開心啊!!
而爸爸媽媽亦都俾佢玩謝左了!
咁就放完幾日假, 期望下星期的假期
人多擠迫的時間坐的士吧~我地都係坐的士居多~抵過買車
回覆刪除我都成日坐的士了, 但有時連的士都截唔到, CALL 又CALL 唔到呢
刪除睇見BB開心，爸爸媽媽玩到謝都覺值
回覆刪除都係架, 平時少時間陪佢, 放假就想帶佢去玩多D了
刪除小洚 ~ 預祝Happy 2016 ~ 小b又大個仔左啦 ~
回覆刪除說實話，買車容易，供車難，先撇開保養車輛的費用、保費、排費，仲要泊車、停車、入油等支出......大吉利是，架車有咩唔妥，一整都幾千、幾千咁上....真係唔少嘢！買得車，性能又唔可以唔好，自己無事都唔想害到人，所以養架車的開支真不少........打的可能更划算！
不過我又明...家下好難打的...想做伸手黨都唔易，因有時我去產檢，去政府果d我多數唔會叫主任陪，打的出城.....想打的返入來真係等好耐都無車..... =.=
我就係不斷諗呢個問題, 而家多左劉BB, 有時夜左,或太累都想搭的士,但真係好難截車,連CALL 車都無回應, 真係企喺條街食塵...不過應該都係諗下先, 支出始終會多左好多
刪除有車真係會方便d，不過暫時一個，出入都方便，如果劉bb有細佬妹，到時再買都未遲啊~~ ^^
回覆刪除我就係諗住今年年中再計劃生第二個了~~ 或者生左先買掛?要好好計劃下先
刪除好開心既聖誕節目呀！
回覆刪除玩到成個人散晒@@
刪除Playgroup都有聖誕活動，好開心呀！同埋劉BB套衫好靚好特別呀！
回覆刪除買唔買車依個問題，我老公都間中就問。佢好耐之前都有揸車，成日話油錢加埋泊車，其實必要時搭的士都冇咁貴。不過講真，冇車就真係去邊都要唸過，但plan得好同埋帶定野同小朋友消磨時間，搭長途車都一樣OK呀 :)
因為我仔真係好無耐性,坐親MTR 或巴士就不斷尖叫,騷擾左其他客人, 的士又CALL 唔到, 有時去遠D都要諗過度過@@
刪除