2016 新年假期 (三)

好快去到假期的尾聲 我亦足足由年初一病到年初十
淨係睇醫生都睇左3次
不過一年一個新年  我都做左口罩黨  帶住劉BB 去拜年

大年初六  約左以昔日的好同事 今日的好姊妹飲茶團拜
大家15歲出黎做PART TIME friend 到而家  見證住對方結婚生B
新年幾忙都要抽時間黎一聚 而家大家的小朋友年紀差唔多大
遲d可以大家一齊出黎玩

飲完茶夜晚就去左我契哥屋企拜年 伯母仲親自下廚添!

不過因為大人細路都病病地 所以聚在一陣就走了!

主人家個仔仔發燒  前日先出院咋 慘慘豬 

大年初七  情人節  

無出街呀! 亦無咩特別慶祝  因為第二日要返工所以都係屋企樓下行下

花就無喇! 不過老公去買左個pink pink 蛋糕返黎食下開心下咁囉! 

美心cake 一向無咩期望  但今次呢個都幾好食wor! 

我咳緊都忍唔住食左一件呢!!

假期咁快就放完喇! 

希望可以快d 有長假 又可以24小時對住自己個仔 真係好幸福的時光

2016 新年假期 (二)

大年初一
今年我都玩下  整D 揮春仔可以Send 下俾長老們~!
不過最後無print 到出黎  唯有留個soft copy 做留念啦!

講返年初一 半夜我已經feel 到自己頭痛  到早上六點幾老公醒左就話我發緊燒
我隻左眼痛到開唔到  喉嚨又開始唔妥了! omg! 真係開口中添.....
而劉BB.. 起身後燒又退晒 胃口返晒黎! 又食粥又食麵包又飲奶喎!
只係仲流鼻水同埋有兩聲咳啫... 對眼都精靈返好多  心情靚靚睇風景

派利是俾佢  仲識自己拆開 跟住知道自己著新衫仲好開心

難為媽媽隻眼痛到眼線都畫唔到啊! 不過算啦! 我病好過BB病... 

早上去左6299屋企拜年後  下午就返娘家拜年 一日走兩場 好攰 

本來約左年初二去朋友屋企團拜  點知主人家仔仔流感入左醫院

最後取消晒  我地都在家休息了!!

訓醒就去公園玩下  去商場行下 過返平日放假的生活先!  

2016 新年假期 (一)

2016.02.16

新年了! 祝大家新年快樂! 身體健康! 心想事成!

年廿七
話說我年廿七已經收左爐
不過一樣好忙  因為劉BB 病左呀! 嗚嗚...
雖然佢偶然都會病下  但從未試過病到無胃口...
今次係第一次.. 病到正餐唔食... 包包唔食... 奶奶唔飲...
連最愛的星星餅都唔食啊!!
半夜一定喊醒幾次  所以我地都無覺好訓
每次都一定係喊住訓...

想帶佢去睇醫生  周圍都爆晒...
終於有個醫生有得睇... 不過食完D 藥都無好轉

年廿八

之前一早已經收拾好了! 去街市買埋年花  擺好全盒  入好利是就已經準備好過年

仲偷到時間去買電話... 因為之前果部已經壞壞地  成日用用下會自動關機

老公就帶佢去換機  最後俾影相功能略勝一籌的V10 勝出  新年前又有電話用喇!

夜晚就返阿媽度食飯 媽咪準備左盤菜俾大家食  最後當然食唔晒啦

再坐多一陣就已經返左屋企 始終劉BB 都仍然唔太舒服 (但退左燒就有返少少精神)

年廿九
今年無年三十晚  年廿九已經係除夕了! 早上約左姨姨飲茶小團年
多謝姨姨一家呢一年幫我照顧劉BB  照顧到肥肥白白真係唔易嘅
(我湊10日已經腰酸背痛了! 雖然日日見到個仔真係好開心~~)

下午就返99 度  晚上食團年飯  點知返到99 屋企  見到劉BB塊面紅卜卜
原來又發燒了 又成個人謝晒

當晚我就喺度同老公講  唉, 我寧願病果個係我  起碼我識表達自己有咩唔舒服丫! 見到個仔晚晚鼻塞同咳訓唔到... 個心好赤啊!!

劉BB 成長紀錄 - 十七個月

2016.02.02

哈哈哈! 今個月好準時寫啊!

首先寫下自己先... 今日岩岩收到雙糧, 好開心! 不過都有唔開心... 就係手機又壞左了!
呢部手機係我坐完月後老公買俾我的... 估唔到用左一年多d 就玩完..
連我老公都話我係電話殺手... 部部電話都係用一年左右就無左
所以今年我決定唔買最新型號了! 上到網就已經足夠了!
星期四收爐後就去睇下先! !


UPDATE 成長進度了!

體重: 24.7 lbs (無重過)
身長: 79.5cm (高左0.5cm)
奶量: 三固兩奶 7安奶 + 每餐碗半飯仔



發展:
同上個月一樣
講野方面無進步
識得聽指令 (不過都要睇心情先會做 即係仲衰左)
而家每朝起身同臨訓前我地都會同佢除片叫佢尿尿
基本上都會乖乖地尿尿

扮單眼MIKE  (朋友仔送俾佢的)

識用杯飲水但唔太中意, 有時會推開個杯
呢個時候我又要不斷讚佢 佢就會好開心咁飲幾啖水 然後拍手仔
爭住自己筆飯食  有時唔俾我餵

睇巧虎時會自己傻笑  喜歡巧虎多過迪士尼卡通

自己識得自己拎住個花灑沖涼(當然唔拎得太穩) 不過就知道要淋落自己身上
識揉泡泡  痛痛識得表示俾我知佢邊度痛

好中意照鏡  會對住鏡中的自己SAY HELLO!

見我買左野 就主張伸手想拎住 (特別係買佢嘅野)

識講嘅野就只得: 爸爸、媽咪、奶奶、mum mum、mimi、波波、一、二、A

性格:
繼續先急躁小王子... 不滿就發脾氣

不過我開始有方法治到佢  就係認真鬧佢 佢會驚
例如佢有時掉玩具  老公會鬧佢  佢就大喊  好快老公就會投降氹返佢
所以佢唔驚佢爸爸  但如果爸爸同佢講  一陣同媽媽講  媽媽會鬧
佢就會立即收斂少少  有時鬧完佢  佢會嬲左我 (唔同我玩果隻)
咁我都一樣唔理佢  佢就自己靜靜地玩  隔十分鐘左右佢就會忘記自己嬲緊我

同爸爸最FRIEND 因為成日錫晒佢就晒佢

天氣凍  住新界的我們更加要包到成隻腫咁