今個月遲左寫呀 係因為想去完健康院先紀錄
18個月 歲半了 由一個BB 變做一個小朋友 感覺好奇妙
好開心又係老公陪我地一齊去打針 唔駛我單打獨鬥
我地約左三點 登記左後等左半小時先入去磅重
原來歲半已經係企喺度磅重了 我地仲幫佢度埋高添
11.17kg 81cm 高 成長線75 (已經由95跌到75了 oh no!)
磅完重又要等多45分鐘先見姑娘 真係太多人了
好彩健康院內有個小地方俾d 小朋友跑下
我另外仲帶左貼紙書俾劉BB玩下 等佢無咁悶
一同佢講, 貼埋呢張就唔玩住喇 立即唔高興 不過都好快收拾心情同我入房見姑娘
入房後姑娘俾左3粒小積木俾劉BB 叫佢疊 平時喺屋企疊到的
但今日竟然唔肯疊 試左4, 5 次都拎住個積木唔放手
咁姑娘就俾個假電話俾佢 叫佢聽 佢都立即做到
之後就係考下佢識唔識自己用匙羹"筆"野入口食 同埋俾個杯仔佢識唔識飲水
呢兩樣佢都無問題 仲識請埋爸爸媽媽飲添
跟住就問下BB 行路方面同言語方面有冇問題?
行路行得唔錯 不過就唔識講野 淨係識BABA & MAMA
之後就全部都BB話 所以姑娘都要求BB 兩歲再返健康院評估
有d 人會覺得"下? 要再評估咁慘?"
我覺得幾好wor 再評估有咩問題? 有咩咁慘呀?
真係發現有問題都可以有專人跟進嘛!!!
劉BB 自理方面一向都OK
識自己除衫仔放入洗衣籃 放返好對鞋仔
玩完玩具都會幫手擺返好
用杯飲水都無問題 最近學緊自己刷牙
上星期天氣較熱 開始左第一次POTTY TRAINING
不過今個星期天氣凍 都應該遲D 再正式開始
因為未識講野 所以成日手指指點我地幫佢手拎野
家中四大長老都好心急驚BB 唔識講野
但我自己就一D都唔急 我細個咪又係兩歲先開金口
而家一樣能言善辯 所以有得佢順其自然發展先
最近睇左有關學生跳樓的新聞 個心真係好唔舒服
好多家長第一時間彈出黎指責學校 覺得係教育制度問題?
咁家長本身真係無問題咩? 三歲就想小朋友學A-Z, 三字經、唐詩
個個都想自己小朋友十項全能 唔想自己小朋友被LABEL "次一等"
不知不覺間 小朋友慢慢成為家長SHOW OFF 的工具了..
我同事個仔仔今年讀小一 年年考第一
但係佢前幾日做功課時 有一題叫佢寫下有咩心願
小朋友寫:"希望不要有很多功課 不想每天做練習"
睇到呢句 我同事都開始反思呢個問題 點解小一學生就已經咁唔開心?
呢個世界有叻人 亦有資質平庸的人
有人做醫生律師 亦有人做司機裝修工人
好希望 學校同家長都一齊檢討下而家的問題
還小朋友一個快樂童年吧!!
識自己除衫咁叻豬，去多次都好，通常都無咩問題！
回覆刪除係呀, 其實兩歲再返去都唔係咩大問題丫! 係有D人覺得去健康院唔PASS 好似好大件事咁@@
刪除最近要準備為呀女添新衣~原來歲半才有80cm~
回覆刪除咁睇黎集中買70cm夠了(呀女現在60cm)
可能係我個仔矮咋? BB 買衫仔有時都幾難, 特別係網購, 好驚買錯SIZE會浪費左><
刪除包包都係兩歲返健康院，我都係覺得有跟進幾好吖，不過兩歲嗰次檢查勁hea!宜家啲小朋友真係好多功課，好多時讀左間多功課嘅學校，都身不由己。但我希望至少幼稚園階段，小朋友係應該無壓力!
回覆刪除我都係咁話,書仲有排讀啦,唔駛兩歲就力谷掛... 不過講到尾香港教育制度就係咁, 老師, 父母同小朋友有時都只可以跟住呢個遊戲玩!
刪除香港教育制度真的好差，苦了家長，更苦了小朋友。
回覆刪除係呀, 大人小朋友齊齊都受折磨, 唯有家長自己平衡返啦><
刪除邊間健康院咁正有個playground畀小朋友玩呀？勁！
回覆刪除睇見依排啲新聞真係好唔開心，我認同教育制導唔係唯一問題，父母如果跟足遊戲規則，小朋友都會好辛苦
馬鞍山健康院, 不過好細的!!
刪除對! 今日又有小朋友輕生了> <