海洋公園

2016.03.25

好忙啊! 好忙啊! 好耐無update 了
因為返工+返學  又加上病左  所以無時間慢慢寫下blog
講下復活節  由於之前有兩張海洋公園門票未用
見5月就到期  所以我地一早計劃復活節假期去海洋公園玩下
對上一次去海洋公園已經係2011年老公生日果日

5年前的我們.... 果陣真係瘦好多  係食極都係咁上下size

我地過海其實都好方便  搭巴士35分鐘去到中環  再轉mtr 去金鐘搭巴士

所以我地11點幾已經到去op 了! 而且天公造美  一入到去就出太陽所以好開心

而劉BB 當然好開心啦  因為佢知道又去玩喇  仲不斷想落BB車自己行添

我地去左睇熊貓、水母、魚等等海洋生物  第一次去左香港老大街  好有風味呀!

  

機動遊戲就無玩了  始終劉BB仲細  如果我一個人去玩又無咩意思喎

我自己本身就好中意睇海洋劇場  因為每次見到海豚等同人類互動  我就覺得好感動

好希望人類能夠更加著重保育的工作 可以愛護海洋生物  可以珍惜大自然

趕到睇3點果場 好開心  開場前先餵劉BB 食粥  

劉BB 大個仔了  而家要自己食唔中意人地餵喇!

大約玩到5點幾  劉BB 已經無晒電喇  訓左 

我同老公就去左玩攤位遊戲  好快就贏左D 公仔返黎

劉BB 一起身見到多左隻獅子公仔就勁開心

到而家都仍然攬住佢黎錫

6點左右我地就離開OP 了! 今日劉BB 表現好好  無大叫無哭鬧 

所以媽媽獎勵佢飲左人生第一支益力多 

佢知道係好野  就慢慢飲  飲完仲想再要添 (不過唔好意思喇得一支咋)