馬灣一日遊

復活節的第三日假期

見天氣唔錯  一家三口去左馬灣玩
入到馬灣食個lunch 後就周圍行
劉BB 唔知做咩心情唔好發脾氣
激到老公紮紮跳
後來我慢慢安撫返劉BB 先平靜返

本來想入NOAH'S PARK 玩
但因為EASTER 關係都有好多團入去玩
我地就取消呢個念頭了
等BB大個D先再帶佢入去認識宗教啦!

見到爸爸咁開心ge???

因為爸爸買左棉花糖返黎...梗係開心啦!!

咁我地就決定去沙灘玩
細心的媽媽當然會準備多一兩套衫俾小朋友換架啦
但就無帶沙灘玩具囉!! 搞到隻傻豬仔係咁想去攞其他小朋友的玩具玩
等夏天一到, 媽媽會為你準備一套玩沙玩具俾你架! 放心啦~~~

劉BB 差唔多兩歲  第一次去沙灘玩咋
因為之前老公怕劉BB 會去沙灘食沙喎!
最初都係好拒抗行沙  但玩玩下就好中意喇!

我唔中意沙呀PAPA (設計對白)

仲玩到唔捨得走

不過水就真係會怕  成個彈起  我地無逼佢呀始終天氣仲有少少涼

玩完沙就去沖身  都差唔多5點

我地周圍行多陣馬灣公園就去酒店的餐廳食自助餐了!

無野食的... 而且非常多人... 連拎熟食都要排長龍 (無下次!!)

我第一時間叫老公拎D 意粉俾個仔食先  點知阿仔唔肯食
咁諗住拎個餐包俾佢啦  都係唔食!!  阿仔竟然唔食野!?????
老公話可能佢下午食完手指手個口好苦所以無胃口...

但我唔想餓親劉BB, 就沖去粉麵檔淥左個粟米烏冬俾阿仔試下
佢肯食喇... 爭住食添呀... 見佢肯食  我又走去排隊拎多一碗
最後食左三碗就飽飽

食到8點我就同老公講走喇! 都無野食! 搭返巴士出荃灣後直到搭的士返歸
而劉BB一坐上的士就立即訓著左了! 哈哈! 一定玩到好攰啦!