報喜 - 我再懷孕了!

2016.05.23

13week 3
其實一直都諗緊寫唔寫  因為我無特別喺facebook公佈呢個消息
但又好想記錄低呢件事喎... 既然係咁, 就寫啦!

一直都想生兩個  但之前睇醫生話我子宮內膜異位  又話我身體差
都好難再有  咁我同老公都諗住順其自然算了
一個有一個好  兩個有兩個好  生BB 真係好睇緣份
不過沒想過  上天對我都不錯!

驗到兩條線果一刻心情好平靜
我仲隔左兩個星期先去睇醫生
第一次見醫生時已經7 weeks  已經有閃閃了
我第二日先施施然拎封懷孕證明信去威院登記
好彩都一樣排到早期Oscar

呢三個月心情真的好差
遇著final exam  公司出差  又病左
每天就是暈+嘔度過
暈住返工  嘔住放工
到了10 weeks  終於有少少精神 就可以陪下劉BB
點知到了12 weeks  孕吐又再次嚴重了
4天吃不到東西  結果還要入院吊鹽水
體重跌了10磅呢! 真的好辛苦好辛苦

唯一一點甜就是劉BB 對我的愛錫
試過嘔到喊  劉BB 見到我喊  就衝埋來錫返我
真的好貼心呢!

上星期剛剛做完OSCAR  一切正常

下一關就係結構了  BB 你要乖乖地健康成長啊!