姊妹團拜

2012-01-31

今天是我最後一天5點放工，所以好準時！
may 一早收工就到大圍join 埋我一齊去tst 行街
行到七點半就join 埋其他姊妹食飯喇!
今晚好難得，連OT女王Kelly 都可以八點前到呀！哈哈

食飯前，利太派利是，第一次派利是一定好開心吧！
祝你新婚快樂！工作順利！身體健康！


之後仲清晒大家的「欠債」，哈哈，麻煩晒Kelly 幫我買生命水，仲要平左添！
都多謝利太的「情人節朱古力」，我應該未到情人節就會食左喇！


跟住就開餐喇！因為我想食outback，大家就陪我一齊食，真好！
一班人食就最開心，可以叫多幾樣唔同的食物嘛！

食下傾下，好快就到九點半喇！有姊妹聚會真好，可以互相share 自己的開心同煩惱，
有時不是甚麼事都能夠解決，但有密友聽自己呻下，已經好滿足了！
多謝你們，我是很享受和你們在一起的每分每秒的！
下一次聚會又要想想吃甚麼了，嘻嘻

大家都只顧聊天同食，連大合照都沒有影了，唔緊要啦，下次補返！哈哈！


同場加映：我第一次中六合彩三個字，咁大個女都未中過，第一次中左$40，
距離中頭獎的目標又近左了．．．嘻嘻嘻！
最巧合係，男友又係中左三個字喎！真有緣～～