開工大吉!

年初四

今年年初四就要開工了，不過我只係要返半天又繼續放假！
一早回來當然係逗利是啦～最開心當然係老闆的大利是

下午去觀塘跟男友的契媽飲茶，之後就返去準備今晚打邊爐的東西。
返到野返去切切切、洗洗洗，等埋男友的好朋友就開餐了！

食飽後我地齊齊玩紙牌大富翁，一邊玩一邊食水果、零食，
玩到九點幾就走了，我就追埋"缺宅男女"，睇鐘嘉欣同吳唱k 分手好慘呀...!!

年初五
繼續放假，今日去左天水圍濕地公園一遊，
其實我之前去過了，不過伯母話唔知睇邊個相士話去公園一遊可以吸財氣，
咁我地反正無事幹就一齊去行下啦！

但出發之前我同男友吵架，令我整天都悶悶不樂！
回程時我忍不住在巴士上哭了，話明新年唔準喊架嘛，我真係無鬼用．．．
最後男友都有哄返我，但伯母當然不滿啦，之後又到佢黑面了！
我唔想男友左右做人難，我當然要扮無事哄返伯母啦！
伯母的態度當然令我唔好受，但我都覺得自己有錯，
所以就吞左去喇！唉！

年初六
今天原本同屋企人北上拜年，最後媽咪話改左下星期先去，
之後想同男友去二人bbq，但男友話我已經生到成咀都係飛滋所以唔好去．．．
最後我地就留在佢家睇戲，佢一邊睇，我一邊訓覺，
訓醒又落去食野，食飽飽我又繼續訓．．．搞到佢要一個人睇戲好無癮添！

伯母今日要開工，放工返到來繼續黑面，男友覺得佢媽神神化化，
結果兩個人鬥唔睬大家，我覺得好難做呀．．．！！
食完飯我叫男友在廳陪伯母睇電視佢又唔肯，真係救命！
之後伯母未到九點就走左去訓覺，令到我更加唔開心。
好似成件事關我事咁．．．．！！

年初七
今天一早起床見伯母心情好返好多，我都安心ｄ，
食完早餐後我同男友玩大富翁，之後我就出發去老師屋企拜年。
拜完年返上水時，周圍搵下朋友，結果約左ling 出來唱ｋ
兩個女仔由兩點唱到六點，把聲都沙埋，哈哈！

剛好may 又話返緊來，我地就等埋佢去粉嶺食飯，
又帶埋瞳瞳b 一齊來食飯，剛剛訓醒的瞳瞳真係好可愛呀！


食飽飽返屋企，睇一陣電視就訓覺了！

點知半夜起身發燒，搞到成晚訓得唔好．．．
anyway，咁就放完假了！

由2月1日開始，我以後唔駛返星期六，但平時就放晏ｄ囉．．．
同埋升左職加左人工了！新一年，大家都要繼續努力喔！