♥ 小洚新天地 ♥: 12月 2014

2014-12-17

找姨姨之經過...

大家都很好奇劉BB 平時由邊個照顧?

由於我們都不喜歡多一個人在家, 所以最後都沒有請工人, 而請了隔離邨的本地姨姨幫忙照顧BB, 找姨姨的整個過程都非常艱難

大約在預產期前兩個月我已經開始找姨姨, 但是太早找也沒用, 因為大部分姨姨都不會等我4個月, 多數都係先付款就幫邊個湊... 而我選姨姨的要求很簡單, 除了有經驗有愛心等等, 最重要是家庭狀況和衛生環境。價錢由對方開, 如我覺得OK 就會要求見面, 不會議價, 畢竟她是幫我照顧BB的人。

我透過朋友介紹找了同區不同的姨姨進行家訪, 看看他們的區住環境如何, 第一個姨姨的家真的很大 (有1200呎), 很清潔, 而且態度友善所以我已打算用她, 不過我還是要同老公商量一下啊... 對方還叫我不用急, 8月尾前答覆都OK, 到了8月25日, 我Whatsapp 問她拿銀行戶口付訂金, 她才回答我有其他人出價比我高, 她已收了別人錢不可以幫我了... 我當時很無奈, 是她叫我8月尾前回覆就OK, 而且價錢是她提出的, 我並沒有議價啊... 她還跟我說:"無計啦, 人地肯出多錢過你" 我真的好嬲好嬲....

之後又找了另一個姨姨進行面試... 她說自己生病所以退休幫人湊BB, 要長期覆診, 我問她如果你覆診時我BB 點? 她說她叫女兒幫我先看著... 噢... 之後仲同我講, 4月要去台灣旅行五天不能幫我照顧, 咁我都無所謂的, 返工都有大假啦... 一早同我講定我可以安排... 上到對方屋企... 真的嚇到我了... 亂到想搵個位坐下都沒有... 整間屋子都窗都關著的... 當時大肚的我在她家裡站著跟她聊聊天... 很快就頭暈了... 當然OUT 啦...

由於我預產期是9月6號... 到了8月27號我都還沒有找到姨姨, 開始急了...

到了8月28號又有另一個姨姨找我應徵, 她家裡十分乾淨, 住在我鄰邨, 有2個兒子, 在她家裡聊天發覺她跟我性格很相似, 很爽快, 而且年紀也不大~ 整個面試過程都很愉快, 我知道有其他媽媽都想找她湊BB, 而且她也說過邊個俾訂金就幫邊個, 過了兩天後我就急急找她拿銀行戶口, 跟她說了明天一早過數給她... 本以為放心了... 但她當晚11點Whatsapp 跟我說, 對方媽媽知道我明天過數, 剛剛立即把訂金送到她家中... 所以不能幫我... 我睇完之後真係忍唔住喊出來... 咁我覆左句OK 之後就算了...

點知過了兩天, 她又再Whatsapp 我問我找姨姨情況... 見我未找到姨姨, 又介紹另一位姨姨給我, 可惜夾唔到地點... 正當我氣餒之際... 對方和姨姨發生了一些小問題, 姨姨立即把訂金退回給對方, 然後通知我可以幫我, 我終於在8月30號找到姨姨了, 可以放心生BB 喇!!

整個搵姨姨的過程真的令我好大壓力, 感恩姨姨十分疼愛BB, 她的2個兒子也把BB當作弟弟看待, 有時我遇上工作忙的時候要遲放工, 她從來也沒有催我, 有一次我老公發燒了. 我又病病地, 姨姨提出可以把BB 留在她家裡過夜, 等我們可以休息一天, 分擔了我很多照顧BB的工作。

這兩天BB 回娘家住, 她的小兒子Whatsapp voice msg 叫BB 快D 返去, 佢會乖, 同埋會分D 珍藏貼紙俾BB, 真的好可愛。希望BB會喜歡這個環境啊^^

2014-12-08

劉BB 成長紀錄 - 3個月

轉眼間劉BB 已經3個月了

體重: ?? kg 冇磅過因為屋企沒有BB 磅
身長: 65cm
奶量: 6 安士

劉BB 今個月完全係超級增磅抱15分鐘已經開始手軟了
連照顧劉BB 的姨姨都說BB 根本不像3個月"貨仔"

踏入三個月開始認人了
見到唔熟悉的面孔會驚就好似我哥哥錫佢咁
佢唔中意.. 就立即大喊發脾氣

見到熟悉的.. 會笑
基本上見到姨姨爸爸媽媽婆婆麻麻都識笑
每天晚上回家都會係咁同我地講野
佢嗌果陣如果我地冇人應佢佢會狂叫

已經完全戒左抱住瞓的壞習慣了
夜晚11點半食完最後一餐奶之後打隔之後會乖乖地自己瞓
到第二朝6點半就會起身食手指
食到頂唔順就會開始扭奶我也輕鬆不少

飲奶方面已經飲到6安士我完全唔夠奶水了
可能因為工作太忙奶量嚴重下跌
老公叫我補少少奶粉唔想搞到我太辛苦
我都唔想.. 但無奈BB 唔夠食我只好選擇臨瞓一餐一半人奶一半奶粉

識得抬頭了的劉BB 叻叻要繼續快高長大呀!!

我們的11.27

2014-11-27

我們的拍拖週年紀念

今年我們都太忙了老公轉了新工作而我又剛生完BB
根本沒有時間安排慶祝活動也不方便去旅行
就決定在香港吃一餐就好了

今年仍然是到喜來登慶祝去年是Buffet 的
今年老公說好想吃牛扒那就去吃西餐吧

6點半已經到達餐廳侍應很貼心拿了一個Cushion 俾我挨住坐
食物質素都很好老公說自己想吃一塊超大的牛扒
我就俾佢自己吃最後... 當然是求我幫忙吃三分一啦...
因為真的很飽啊!!!!

一坐下來就有一個特大的洋蔥包配上牛油真的很美味啊!!!
要控制自己唔好食晒一個否則後面的也不用吃了...

海鮮拼盤? (忘了名字了... 哈哈)
Crab Cake 同蝦都非常好食... 蠔方面我還是比較喜歡生蠔啊

Tuna Tower 酸酸味味很好多而且我本身好喜歡吃牛油果
好快俾我食晒了~~~

16安士的牛扒看上去不多吃下去卻很飽... 老公吃了一半就投降了

輕輕鬆鬆吃到8點半我們就回去接回我們的小寶貝咯!

雖然生完BB 後大家的話題都開始是圍繞住BB
由於我們沒有工人 BB 也不是婆婆麻麻照顧因此我們每天放工後也是十分忙碌的
分工合作照顧好BB 已經11點半了也沒有時間Pillow talk 了
但是我們也很努力維繫關係在一些特別日子都想偷少少時間二人世界一下
希望將來一直都可以這樣吧!

劉BB 成長紀錄 - 2個月

2014-11-02 二個月了

身長: 59cm 重5.99kg
奶量: 4安半

我覺得劉bb 完全唔似2個月BB 皆因佢太大份了
次次帶BB 出街鄰居們都以為BB 已經4個月大
因為佢真係表情多多... 成日口UP UP 咁想講野

而呢個月我都已經開始返工
人奶媽返工真的好麻煩每天都帶好多工具返工
而每天都至少要泵兩次奶每次30分鐘
但我發覺日日係咁真係好影響工作進度
有想過一邊做野一邊泵奈何我成個部門都係男人
而且佢地都係冇小朋友的唔明白我堅持甚麼

而公司的女同事們都係餵奶粉的所以佢地一樣唔明白
有幾次泵緊奶果陣公司電話有人打俾我
我的同事都照叫我出黎聽電話因為佢地唔知泵泵下就停係幾麻煩....

加上工作真係忙... 所以我而家已經變左早上埋身餵一次
食完lunch 泵一次 5點再泵一次跟住就直接放工返屋企埋身了...
幸好同事們知道我要湊BB 6點鐘大家正在加班時都會叫我走先

講番劉BB...
2個月的BB 仔... 要返健康院打針
(因為我要返工是婆婆帶BB 去的...)