2010-12-31 星期五
咁快又到左2010 年最後一日喇
往年我都會大事回顧一下 順便好好反省自己 明年再努力的
但今年我都唔知自己做過乜...... 咁快又話年尾喇!
不過今年對我黎講真係好深刻 各方面都有好大轉變
事業方面
其實2009 年都已經拋下書包 真真正正踏入社會
但份份工都唔stable 唔係自己炒人 就係人地炒我
不過今年4月終於搵到而家呢份工 雖然唔係咩大公司 亦無咩發展機會
但待遇都唔錯 工作量可以接受 對於我黎講 係一個學習的好地方
公司秘書ee 成日同我講 我份人太直腸直肚 出到去大公司做野好危險
咁人際關係絕對唔係我擅長的一項 慢慢學啦!
感情方面
簡直係大大大轉變 一個陪伴左我6年 以為可以一生一世的人
竟然為左去玩而拋棄左我 受的創傷好大 曾經有一段時間想收埋自己
多謝哥哥對我的訓示、多謝朋友們的sms、多謝敏盈每日都打電話俾我
沮喪左大半個月之後我叫自己唔可以再咁軟弱
開心 & 難過都係取決於自己 而唔係別人! 我唔可以要人擔心自己的!
大個女 縱使失戀工作至上才爭氣 終於企番起身.... 寄情工作啦!
但亦都好好彩 身邊出現左另一個人 願意保護自己 愛自己
一切走得太快 亦來得太快 有時緣份就係咁奇妙 或許是上天的安排掛
友情方面
自從2009年令我失去左一大班朋友後 令我更加懂得珍惜朋友!
雖然朋友好似愈來愈少 但我地的感情愈來愈多 多謝一班好姊妹!
因為你地 令我生活更多精彩 可以一齊去旅行 一齊笑一齊喊 感覺多好
希望我地可以一直fd 落去 可以去更加多地方 參與更多活動 加油呀!
亦都多謝舊有一班迪斯聯之友 雖然唔係成日一齊玩 但我都知你地好關心我!
家庭方面
so far 屋企人關係一直都唔錯 最憂心當然係媽媽同叻叻仔的健康啦!
媽媽經常血壓高要入醫院檢查 每次收到爸爸的電話真係心都跳出來
叻叻年紀開始大喇 行動愈來愈慢 成日都係訓覺 只係食野先最活躍
佢曾經陪過我走過一條最難捱的路 叻叻你要撐住呀! 姐姐錫晒你~!!!
