與政政遊迪迪記

2011-12-11 星期六

今日九點就起身喇 先去元朗接政政食早餐 好豐富 多謝ada

食飽飽一齊搭西鐵去迪迪尼玩喇

thanks 祖哥哥幫政政買飛 有折已經好好lu

我就free 的!

天氣好好!

廣哥哥都有免費飛可以一齊玩 (都係要多謝祖哥哥啦)

雖然破壞左我同政政的二人世界 但政政一見到佢已經勁中意佢

全程拖實佢 又要佢抱 已經唔俾我拖喇 好傷心!

不過小朋友永遠係最真實 知道咩係好人咩係壞人

咁證明廣哥哥都係一個愛錫小朋友的好人啦 哈哈哈

今日超多人 不過大部分都係自由行 & foreigner

自由行真的很討厭 不斷打尖 又周圍丟垃圾!!!!



今次去迪迪尼玩左好多之前未玩過的

例如 - 小小世界 & winnie the pooh & 探險世界 原來都幾有趣架喎

政政每玩完一個機動遊戲都會要求再玩一次 但就唔願意排隊同任何卡通人物影相

玩到lunch 都唔肯食 水唔肯飲 連廁所都唔肯去.......

唯獨玩完佢生平第一次的space mountain 後 佢覺得刺激左少少 之後唔敢再玩喇!

佢地趁我去按fast pass 時去玩水 結果濕晒......

又影又跑又跳 玩到六點半 可能佢太累啦 終於全程要求廣哥哥抱抱

雙眼皮都變左三眼皮喇 入去睇獅子王慶典果陣都已經想訓覺但又唔捨得訓

玩到七點行左陣我就想走 佢又想睇煙花 但今日煙花要到九點先有得放 唔等啦

買左棉花糖哄佢之後就乖乖地走喇 (一支棉花糖都要$38 超計迪士尼唔駛蝕錢囉!)

去左青衣城 原來反豆城已經搬走左 我又搞錯左添!

已經好眼訓.. 仲要求影相

之後轉戰尖沙咀harbour city 佢揀左好耐好耐 終於揀到佢今年的聖誕禮物喇

但好似同上年一樣囉... 都係車車組合 不過佢堅持唔一樣喎 哈哈



買完玩具去左pizza hut 食dinner 佢食完意粉後自己訓左響佢大脾上 Zzzzz

俾佢訓左一陣就走喇 一抱佢就起身喇 但唔肯落地... 辛苦左哥哥抱佢喇!! 哈!

搭的士去寶勒巷 將佢交番俾ada 就走了! 累到爆!!!

p.s. 廣哥哥 你唔止要對小朋友好 都要對我好d 喎! 哈哈哈!