聖誕假期

2010-12-24 星期五

今日原本放12:30pm 成班同事去麗豪酒店食飯慶祝的

但其中一個同事肚痛... 老闆話等埋佢 改左30 號食

我就變左食大家樂做 lunch 喇......

不過今日心情極佳......... 皆因 今日係發放花紅的大日子呀!

呢間公司以往十年的規矩都係未做夠一年都無花紅的

對於只做了八個月的我 我都唔敢奢望太多! 但我竟然都有份呀!

按年資比例計完有$8xxx 已經好滿足了! 嘻嘻 多謝公司為我開先例!

今日 Alvin 放假 佢叫我慢慢做 我差不多放工先打電話俾佢再約時間

之後我就繼續做 一直做到六點幾先放工 約左九龍塘等

點知我一落到去就見到個傻仔企響度等我 原來佢已經等左2個鐘了

佢食左好多西北風 嘻嘻 玩十派s就係要付出代價架喇

因為我之前講過唔想去尖沙咀 、旺角同人逼 太嘈我頂唔順

佢帶我入長洲食海鮮同食甜品 最激都係去沙灘吹海風! 我頂得住喎! 哈哈

五個送先$180 但海鮮都幾唔新鮮 為食飯而食飯的話都可以接受

食完飯又要買小食 佢話我似金魚肚 永遠都食唔飽.........

我未食已經成個跌左了 浪費左 $5 呀!!

之後再去食c妹甜品 都ok 丫

周圍行下食下小食咁!!



長洲無乜聖誕氣氛 好少人無人嘈無人逼 靜靜地度過呢個佳節

多謝你悉心安排

2010-12-25 星期六

祝各位聖誕快樂!!

今日無咩特別節目 好似病病地 所以唔敢周圍去

最後都無發病出來! 可能係中藥 & 針炙見效啦!

夜晚食麻辣米線 食完就訓了



2010-12-26 星期日

今日七點幾就起身了 執下房之後alvin 打電話約我出去

我地去左尖東 CEO 唱K lunch 嘩! 真係n 年未唱過呢個時段呀!

12點唱到3點 位位$60 都唔平喎! 唱完又話去大快活食TEA....

之後去左旺角GH 睇戲 我想睇"借東西の小矮人– 亞莉亞蒂" 但全場爆滿!

最後就睇Second Choice 小人國大歷險 輕鬆作品 笑下都ok

不過我唔明3D 黎做乜囉! $90 一張飛呀!! 好貴好貴!!

睇完戲八點 去花園餐廳食飯 食飽飽又番屋企lu!