渣打馬拉松 2011

2011.02.20 星期日

等左今日好耐喇 終於到左一年一度跑馬拉松的大日子

今年同我的"好姊妹" 豆豆 參加左10km 的賽事

我四點三就俾敏盈打電話黎嘈醒左喇

天氣剛剛好 又唔算好凍 換好衫食埋愛心朱古力就出發了

成條街都無人架 好正!!

去到天后MTR station 就多人到行唔到lu

多謝男友今朝都咁早起身為我打氣 收到佢的sms 鼓勵我 好開心



我地原本6:20 am 開跑的 但因為太多人行唔到上前

結果6:37 am 先開始跑 我地都要奮力追

但我跑到6km 時好急呀....... 結果浪費左好多時間排隊去洗手間 真失禮 哈哈哈

最後我地8:00 am 跑完 在目標時間內完成晒10 km 的賽事

真係多謝豆豆的鼓勵 全程都跑得好輕鬆 (只係中途落雨好凍...)

大家都身水身汗


亦可以於大會指定時間內完成 唔駛被逼坐巴士走 哈哈



走之前見到有好多人求婚 雖然好似好尷尬

但揀今日求婚即是寓意著結束愛情長跑 背後的意義非常浪漫

跑完男友黎維園接我 咁早起身 真係辛苦晒喇

之後我地去食早餐 then 返去睇戲、訓覺 男友仲幫我按摩 好貼心

晚飯食左好多 仲有飯後甜品添 幸福其實就係咁簡單

雖然跑步的過程好辛苦 但可以望住自己逐步逐步去完成1km 又1km

好有滿足感 其實做人同跑步一樣 只要堅持 咬緊牙關 最後都會到達終點的

希望可以藉住今次的活動繼續鼓勵自己積極做人 樂觀面對任何困難

因為身邊總有人會無條件支持自己的 繼續努力 加油!!

情人節快樂

2011-02-14 情人節

今天是情人節 原本是我們第一個的情人節

原本應該很期待 但... 我卻開不了心

在別人面前裝作堅強是我的強項 今次也不例外

雖然昨天被她罵了 不被祝福了 心裡很難受 但我沒有再哭了 我也沒有再反擊了

因為 我不想他內疚了... 我不想伯母傷心了... 也不想姊妹們擔心了!

昨天 因為她的一個sms 我哭瘋了 我從來沒有想過用任何方法去綁住一個人

我只是真心真意去投入一段關係 做錯了甚麼?

感到很委屈很委屈 可能我真的太衝動了 竟然去哀求別人去祝福我

我想 我真的瘋了

被別人討厭 也很難過 但仍然希望她明白珍惜眼前人的道理

希望有一天她會得到屬於她的幸福 然後再衷心祝福我們。

愛從沒有時間長短之分 終於有一天 我們都會有一個"六年"

甚至七年、八年、或更長...



朋友都說 這是她的一個手段 去破壞我們 去打擊我們

等我有一天累了便主動放棄...

但我卻認為是一個考驗 一個啟示 因為這一件事令我更清楚自己的心意

被欺騙真的不好受 但我卻選擇寬恕 因為愛上了 甚麼都原諒了



姊妹們知道我有事 昨晚紛紛打來安慰我了

大家的電話、sms、甚至不知情的朋友們都在 fb 留言無條件支持我關心我

有時候一句"支持你"比其他千言萬語更暖在心頭 更窩心

最重要的是妳們和我的男友 你們對我的不離不棄已經是我最大的福氣

如果我真的再一次我又迷茫了 請再提醒我 我並不是一個人的

我有你們在我身後推動我 我有我的愛人在我身邊扶著我去走以後的路

我愛你! 我愛你們!! thank you ALL

p.s. 很喜歡在blog 吐苦水 因為大家都不認識我 有我blog 的就只有姊妹們和素未謀面的blog 友們 有我這個blog 的朋友不多 因此 姊妹們、有我fb 的數個blog 們

請不要在fb 講得太露骨 我不想太多人知道甚麼事 謝謝你們~!!

年初四 - 上山頂

2011-02-06 星期日

今日已經唔係假期 而係普通的星期日了

之後我信口開河話未上過山頂 大少爺終於放低部psp 話帶我上去見識下

我平時好抗拒去呢d地方 但破例去一次啦!

同埋我真係未訓飽 好想訓多幾粒鐘先出去玩呀

點知真係多人到爆 又係自由行!!! 見到都眼火爆 連去廁所都企圖打尖!!!

由山頂望落去 風景真係幾靚ge!

我地周圍行下 食下雪條、薯片 飲下汽水 勁嘆囉!

影左幾張相就走喇!



一set 就$65 了 好貴呀!!!

專呃外國人的手信

畫好靚呀!

背景好learn... 所以我逼佢去影 我就唔影 嘻嘻!

對眼開唔到呀..............

夜晚約左佢父母食新開的日本野

佢父母都係傳統一族 唔食生冷野 但由於佢地屋企附近開左間新日本料理屋

大家先話試下咋! 結果 所以生冷野梗係我一手包辦啦!

佢地就叫左好多熟食 味道都唔錯! 四個人食 埋單都係$46x

夜晚睇波 車仔大戰利物浦 竟然!! 利物浦贏左車仔丫! 開心到我丫! 哈哈哈!!

年初三 - 黃大仙

2011-02-05 年初三

轉眼間我的假期已用左三日了

今日約左敏盈去黃大仙拜拜 今年屬牛都幾旺丫

唔駛拜大歲乜都唔駛

其實我都唔駛旺 可能因為之前發生太多事

今年暫時唔想受咩刺激 唔想大起大落 只求順順利利 平平穩穩已經謝天謝地了

周圍都勁多自由行 佢地從來都唔識守秩序的!!! 成支香辣埋黎!!! 好痛!!

上完香後 去求簽 求得上吉簽呢! 整體運唔錯 相士只係叫我唔好再咁任性! 哈!

不過最令我期待當然係朋友仔的真姻緣駕到啦 好想知 係邊個呢??

去完黃大仙就出發調景嶺 今日去敏盈屋企拜年

原本約左伯母飲茶 但最後我地去左食板長烏冬 都ok丫!

跟住就上去拜年 仔仔依舊咁可愛 之後諗節目 諗極都唔知有咩做

結果四點鐘走人

之後一個人行左陣 又買到野 真開心!

原本約左alvin 黎接我 點知我掛住行街結果要佢等 哈哈!!

夜晚去食飯 食到好飽!!! 之後買波! yeah! 買咩中咩! 仲要係中波膽添!

好興奮呀! 哈哈哈!

年初二 - 上廣州

2011-02-04 年初二

今日陪爸爸媽媽上廣州 一大清早就起身喇

原本肚痛真係唔想去 但答應左屋企人 佢地又唔係成日放假所以頂硬上啦

先到深圳飲茶 點知酒樓無開門 去左食茶餐廳 d點心好難食

之後再搭"和諧號"上廣州探小明 哈哈哈!

上到去就去探謝伯伯&嬸嬸喇 點知已經搬左

但廣州人都好好 幫我地搵到佢地聯絡方法 之後再去新屋搵佢地

坐到五點幾就話準備出去食飯喇 食到九點我地就返回程喇

返到香港11點喇 不過超精神 因為我全程都係訓訓訓訓訓



咁又一day! 雖然今日真係好累 但間中陪下爸爸媽媽 哄下佢地開心都好丫



堂弟宇宇

宇宇學識影相後第一張作品 有進步空間囉.... 哈哈!

大年初一 恭喜發財!

2011-02-03 大年初一

祝各位blog 友新年快樂! 心想事成! 笑口常開!

最緊要都係身體健康! 工作順利啦~~~

年廿九已經食左一餐好豐富的團年飯

估唔到年初一又食多一餐咁勁的!!! 真的很開心!!

我地屋企習慣年初一食開年飯的 今年都唔例外

媽媽煮左九送一湯俾我地品嚐 樣樣都好好味呀!!!!

食完飯坐左陣 alvin 上黎拜年(上黎之前我地又開年 大吵一場 哈哈)

媽媽對佢招呼好到不得了 又煎糕又切水果俾我地食

我地無野做 就同埋細佬一齊玩飛行棋

我lucky 到爆lor! 頻頻三條六返大陸! 到細佬玩完我都好似未開始玩咁 哈哈

之後又連線玩nds 玩到無電先肯停!

一直食到5點幾我地就走喇! 到我上alvin 屋企拜年&食飯...

開開心心的出發 點知...... 我m到呀... 個肚痛到丫...

搞到我全程無心機 又要依賴止痛藥先掂

食飯前去買六合彩 希望中$20 都好丫 哈哈!

元朗年宵again!

2011-01-31 星期一

突然覺得自己好慘 好多公司都放晒假 但我地都仲未放假

未出糧乜Dinner 抽獎都無............... 完全唔似過年feel 囉...........

今日一放工就搭西鐵去元朗花市幫手喇 地點同上年一樣 -- 東頭工業村

今年投左兩個位 係相連的 有條通道可以貫穿兩個攤位

一邊賣今期大熱angry bird 唔知係咪香港經濟好左呢? 好多人都好大方 成set 買!

另一邊負責幸運大抽獎 今年的禮物比上年好好多啦! 安慰獎都有個靚靚平安符

今年元朗花市亦多左好多小食檔 有韓式食品、有懷舊小食

當然唔少得燒魷魚、冰糖士多啤梨果d 喇! 但今日無時間食得晒 只係食左糖蔥餅咋!

聽日屋企做節 食完飯又要過去開工喇! 希望把聲可以捱到去年三十晚啦!