行程的第三天... 大家都繼續吃酒店早餐，不過加料了！
我們一早到附近買蛋餅和水煎包一起吃，豐富多了，嘻嘻～
今天我們出發中正紀念堂，我之前來過台北兩次也沒有到這裡呢！
但是就在這裡出事了！我幫他們一家五口拍照後，伯母叫我同男友影一張，
事關當時下緊毛毛雨，而我又覺得毫無特色，就說了：「唔影住啦！落雨呀！」
此時伯母就講了一句：「ｘ你阿媽」聽到呢句後，我唔知點解覺得好唔開心，
可能一來開始想家了，二來最近有朋友離世，我這幾天都睡不好，再聽到有人「問候」媽媽喎！
之後我一個人行在前面，忍不住流眼淚，被男朋友見到了，
他問我發生咩事，我就講左俾佢知，「我只係唔想佢地淋雨先話唔影果度之嘛，阿姨咁都用粗口鬧我...仲要係我最憎人地鬧我媽媽...」
男友一聽完立即扭轉頭同伯母講「媽，你做乜鬧人啫！？」就係咁，出事了！
大家都知伯母係咁緊張個仔啦... 佢覺得個仔為左女朋友鬧佢... 同時也覺得我小氣... 就開始黑面了!
其實我也知道伯母不是故意問候我媽媽，只是一種鄉下的口頭禪，
所以過了一會，我都有開始哄她了，但她當然是完全無視我啦！我也不知如何是好了！
大家扮若無其事繼續去下一個景點，台北國立博物館，因為有恐龍展，其實最重要是我們想等午飯時間才到這裡吧！
逛到十二點，我們就出發到永康街品嚐牛肉麵同芒果冰了！！
吃飽後我們出發新北投浸溫泉，好正呀！！！浸了一小時，舒服晒！
到了六點，我們就到淡水老街「搵食」，但是老人家還是要吃米飯呢！
所以到了附近一間餐館吃東西～吃飽後原本想搭船到情人橋，
但伯母堅持不肯，那我們一行六人就回去台北了．．．
今天九時已回到酒店了，我們可以看金馬獎，但男友九點半就說肚餓了！
我們就到樓下便利店買杯麵吃～～還有吃雞蛋布丁，一口氣吃了兩個，大滿足！
開始收拾行李了．．．其實只買了很少東西呀！
沒有留言:
張貼留言