Goodbye 2013, Welcome 2014

2013.12.31

今日係2013年的最後一天  在這裡向大家說一聲

Happy New Year

聖誕倒數

2013-12-20

很快很快就到一年一度的聖誕節了!
雖然沒有安排任何節目  但仍然抱著期待
我未來老公話會親自準備聖誕大餐我食
不過我估唔係生蠔三文魚牛扒  就係pizza, 打邊爐架喇... 哈哈


你地聖誕又會做咩呢?

最近忙著準備下個月meeting 的事  都幾忙
但生活過得好充實

呢間公司除了新年外, 中秋、冬至都會派利是的
今日就收到$500 大元了!! 好開心!
聖誕節又可以去買下野喇~~ 哈哈~~

我回來了!!!

怕事的小洚   終於回來了  捨不得寫了五年的雅虎Blog
卒之  小洚用了最蠢的方法  逐篇上載過來
也藉此回顧一下自己以前寫的東西 感覺總是怪怪的

這幾個月  雖然少了上來探大家  但我真的有想念你們!!
慶幸之前有部份blog 友的facebook  可以繼續得知大家的近況
新一年  我會多點上來  繼續我的寫blog 之旅~~

嗯... 又講講近況啦...

小洚在新公司工作了半年喇  一切都很順利
雖然還是會做到頭昏腦漲  但時間蠻充實的!
同事們都很好人  寄望明年會加多d 人工就開心了!!! 哈哈!!

至於愛情方面  同男朋友感情好好
自從今年年頭決定結婚後  他愈來愈寵我
今天在睇番之前的blog 時  想起我們以前發生的事
心裡還是酸酸的 
不過  今天  我覺得自己好幸福
還有不到一年  我地就結婚喇!!
我們一有時間也會一起籌備婚禮
酒席、化妝、攝影都訂好了
其他事情就等到明年才繼續了~

另外, 新居也買了  我們只作小小的裝修就可以正式搬入去住
昨天我才跟男友說: 「發夢都估唔到我地可以有自己的小天地喔」
哈哈  快點到明年二月吧  期待中

生病了...

2013-09-06

這個九月很忙... 公司更帶來了壞消息... 令我更加沮喪。

可能天氣忽冷忽熱的關係  我病了   整天都暈暈的

每天回到自己的家中  就是忙著煮飯做家務

還是喜歡回家 (是媽媽的家喔!) 每次回去都有我最喜歡吃的菜

吃完又不用洗碗  真好。


又要重新適應另一個新Blog  好煩呀!

我想知怎樣才可把y blog 原本的文章全都搬過來?

我已經通知yahoo 新的網址  是不是要等到12月才會搬過來?

最怕用電腦的... 真係見到令我更加頭痛呀!!!

與 Y Blog 說再見

2013-09-05  星期四

網上平台的壞處  就是要隨時搬家  以前的xanga 亦然  現在的yahoo blog 也一樣
寫了10年的網誌  已經不在乎閱讀流量  對於我來說  是一個紀錄
在yahoo blog 的寶貴之處  就是認識了一班blogger

有時想搵好去處食野  上網search yahoo blog...
有時想搵食譜煮飯  也是上網search yahoo blog...
有時想去某地方旅遊  都是上網search yahoo blog...
久而久之  yahoo blog 已成為了我生活的一部分。

現在再開新blog  希望能夠有恆心update
繼續記下我的生活點滴  和籌備婚禮的回憶~~

希望繼續可以和blogger 保持聯絡啦~~

努力煮...

2013-08-15

最近好努力煮飯 但因為新居無鑊、無焗爐、甚至連微波爐都無
所以我們平時都係煮簡單菜式 原來煮飯真係好辛苦架 次次煮完之後已經成身大汗
真係咩胃口都無晒喇!! 不過我仍然好開心 見到另一半食到津津有味我覺得好滿足
要好好享受呢段時光喇~~ 一陣層樓租左出去就無得成日玩煮飯仔了!

第一餐我煮俾男朋友食的~ 蒸水蛋+白灼蝦+蠔油芥蘭
雖然我都識煮飯~ 但我在自己屋企係公主來的~ 從來唔駛煮飯(整蛋糕除外)! 所以我要從低學起
呢餐45分鐘內煮晒... 對於我黎講已經好叻架喇!


8號風球上午放假 又整番個早餐嘆下先 不過完全係唔夠飽的!!
9點半食完早餐 12點半就整午餐食了!! 哈哈!!

腸仔奄列+茄汁豆+炸魚手指


本身整好送準備晚餐 因為男朋友話想去睇戲 點知天文台1:40 pm 改掛3號風球 (俾佢果句「前後考慮」陰左添)
好彩我堅持2點後先買飛咋~~ 之後立即趕返公司 多人到爆 仲俾人推tim! 打工仔真係慘!
男友就好lucky 放全日 最後就由佢操刀煮晚飯喇! 我返到屋企就有得食喇

金菇肥牛卷+腐乳炒通菜+梅菜蛋炒飯+鴻福堂湯 (因為我要換懶懶熊產品 嘻嘻)


食果陣就開心 食完我入到廚房真係嚇親 整少少野好似打仗咁...
都係唔好叫男人煮飯喇...

八月。慶生日 (六)

繼續 開飯喇!!

今天與兄弟們食生日飯 一班男仔仍然記得同我慶祝已經好偉大架喇 (佢地覺得)
佢地好多都係警界精英 所以好難夾到時間出來聚會的!

今次近近地到了屋企附近的上海婆婆吃晚飯

因為成班男人 通常都係多菜少肉 我就下佢地啦...!!

最好味係松子魚 一上台唔夠5分鐘就清晒!!! 汁都清埋!!


前菜都唔錯~~ 最like 雞絲粉皮!

八月。慶生日 (五)

星期二 我們齊齊放假休息

男朋友話我生日那天他沒有表示 對我很內疚
結果今天他就親自下廚連洗碗(呢個環節最重要)

我們吃飽飽後就開始做家務 打掃新居
之後我們就手拖手到超市買食材喇!

買了牛扒、羊架、意粉等等 本來他想煲粟米湯做頭盤
但我提出想飲中湯 想食菜嘛! (結果我們的頭盤是莧菜豆腐肉片湯 好好飲架)




辛苦你了!!!!


因為我們買了戲票 (星期二全日都係$45咋) 睇戲 所以6點就開飯了!
吃飽後 還有西瓜同燉鮮奶做甜品 飽到上心口

7點半我們出發戲院 口痕的我明明唔餓 但好想食薯片 結果又有薯片食
我們終於睇左悍戰太平洋 如果喜歡機械人的朋友 一定會好中意套戲!!
睇完戲返到屋企10點 趕快沖完涼訓覺 仍然是開心的一天

八月。慶生日 (四)

八月的第五天 又有飯局 與我另外兩位好姊妹食飯

我們到了馬鞍山一間cafe 食dinner 我真的要誠意推介此餐廳 (我很少推介的)
無論是意大利飯、牛扒、意粉都好好好味!!
特別係個意粉真係食唔停口的!!!

不過環境就比較嘈雜... 餐廳裡播歌 同時客人都很吵... 很難靜靜聊天

我們還order 了生蠔 想不到如此大隻的!! 同手掌一樣大!!
還有pizza~~ 可能我們吃得太豐富 pizza 相對失色
吃不完的pizza 我還是打包了~~ 不捨得浪費食物呢!!

沙律 酸酸的 好開胃

巨型生蠔$36 each

肉眼 好味 有肉汁 七成熟剛剛好

海鮮意大利飯 好味 口感好豐富!

值95分的意粉 好香口 味道好夠 好好味!!!

黑松露三文魚pizza 沒有特別 但味道也不錯!!!


吃飽飽後她們到了我的新居參觀 奇怪地大家都很喜歡坐窗台呀!
我們還買了哈根大師的雪糕開心share 呀!

好開心~~ 希望我們可以就到時間~~ 成日都有聚會啦

P.R.C. Ristorante & Caffe
馬鞍山西沙路628號新港城三期商場12及33號舖

八月。慶生日 (三)

八月的第四天

今天很忙呢!! 有上中下半場呢!

上午要到新居拜四角 我不拜神的 但我也尊重每一個信仰
勞煩予未來奶奶來拜神 我就到樓下超市買米買油等等~

中午吃過飯後我就獨自happy 了!
與我的姊妹們到了喜來登high tea 呢!
本來我地打算4個人order 3 set 咋
點知做緊恆生信用卡推廣 買三送一
結果我們order 了4 個一人tea set 了~~

平時去high tea 我多數會飲茶的 但今天太熱了
我揀了鮮橙汁來解渴 唔知點解 我覺得好好飲呀!!!

tea set 來了 大家當然好興奮啦 先餵飽相機我們就開動了



4個女人講東講西 (我們3個未婚少女都是明年結婚呢) 不知不覺很快就六點了

嗯... 如果你問我味道如何 問心我覺得真的好一般 沒有任何一舊糕點令我們喜出望外
相比之下還是洲際的tea set 比較好吃~~
不過~~ high tea 其實都是想同姊妹們一聚~~ 大家對住個海景聊聊天已經好輕鬆了!


6點半大家散場 我就趕下一場 入西貢吃海鮮
今餐是和家人吃的! 爸爸媽媽很少休息 我們就帶他們去吃海鮮大餐!!!

趁大家未餓就帶了nic nic 到沙灘玩水!! 寶貝從未去過沙灘的 所以很開心很興奮!!!
跑進海裡亂游 不過真的很可愛呀!!




order 了8個菜 (同家人吃飯不會拍照 媽媽會囉嗦的 哈哈) 每一道都好好味
埋單都要$3000 好貴呀! 多謝哥哥 多謝細佬!! 哈哈哈

八月。慶生日 (二)

生日飯局很多很多... 被人投訴了

今天放工相約舊同事吃飯 慶祝我跟另一位壽星女生日
我們到了沙田的今助食日本野 仲巧遇明星 (但是我真的想不出他的名字呢)
只知道tvb 很多劇集都有份做配角~~

這家餐廳的食物都很美味 價錢中等

我們吃飽後再到旁邊的滿記食甜品 又是很滿足的一天

雖然我離開了公司 但還是希望和你們繼續慶祝生日 多謝你們!! 對我真好!!

八月。收樓記

八月的第二天

今天非常非常興奮 因為我做業主了! 正式收樓!
當天一放工就立即衝去攞鎖匙了~ 好開心! 終於有了自己的小天地~~




原本說好要大吃大餐慶祝今天 但是最後...
到了樓下的大家樂吃鐵板餐就足夠了!! (味道當然是麻麻地啦)




八月的第三天

今天開始清潔屋企 由中午12點一直到下午5點 大家都非常落力
男朋友做左30年少爺仔 最辛苦應該係今日 因為佢平時唔做家務的!
但是... 未來30年有排你受呀~ 我會訓練你成為一個家務專家! 哈哈!

6點到了樓下的酒樓食飯 繼續慶祝生日 不過唔係我生日 係我未來99 生日
我們order 了八個菜 有龍蝦 有魚 有帶子 有菜 有燒鵝同乳豬例牌 好豐富呀
食到超飽超飽 再準備回去切蛋糕 超累 但很開心的一天

八月。慶生日 (一)

八月的第一天 小妹生日

繼續過了一個簡單平淡的生日 如常上班 如常吃飯
沒有吃任何生日大餐 沒有生日大禮 也沒有生日蛋糕
但我也完全不介意 有您陪著我過就足夠了

放工還是在公司附近的茶餐廳食飯~~ 吃了一條魚+一碗白飯+可樂
好味呀! 食完好飽!

食飽飽沒有蛋糕吃 就吃雪糕吧!! 一樣啫~


很少自拍的情侶~




祝我生日快樂 工作順利 身體健康!

快樂週末

2013-07-11 祝我的好姊妹ling ling 生日快樂!!

上星期過得很開心~~ 因為是我好朋友生日
本來約好一行五人到沙田ruby tuesday 大吃特吃
但兩位成員分別有事 我們只好改地點 到了家裡附近新開的日本餐廳吃飯~
味道比想像中好呢!!!

因為may 要OT 我地又怕人地覺得我地齋坐 所以叫左個蟹子沙律 好開胃


人齊了~ 我地就Order 食物~~ 炸軟殼蟹... 幾好味, 不過油左少少


火龍卷~~ 好味呀!


魚湯烏冬~~ 湯底超正!!


壽司好味呀!!! 好新鮮~


刺身拼盤



認識了12年~~ 慶祝了12個生日吧!! 生日快樂~~

台北 Pre-wedding 之旅 (Part III)

最後一篇了

第三天~~ 我們可以訓到10點先起身落酒店食早餐 再返酒店訓多陣先出發去揀相
好多食物款式 而且好好味!!!

嘻嘻~ 我們仲要無聊到打算在美麗華睇戲 體驗下台北的IMAX 巨幕 好震撼啊... 大到睇唔到~ 哈哈!
不過人地的3D 眼鏡真係好正... 戴得好舒服呀!

全場最靚的位~~ 最後一排正中間

之後我地就去左西門町買番少少手信同食LUNCH 食左蛋蛋屋 超級大退步 好難食啊....

食飽就去揀相 在法巨揀相好舒服 無店員會HARD SELL 你UPGRADE 任何野~
亦唔會坐在你面前睇你揀相 客人可以自己商量 揀完仲可以即時用USB 攞走所有相的Soft copy (當然係未執嘅~)
但至少都可以自己睇下先嘛!!

揀到5點走人 我地去左台北車站買超人氣芝士蛋糕 排左45 分鐘啊... 不過唔駛我排~~
男友幫我排~ 佢就叫我去行街 真好! ^^




返酒店再休息一會我地就出發食dinner 今晚去小蒙牛打邊爐~~ 款式其實同香港小肥羊差不多

但真係好平(約$150 一位任食任飲)~~ 而且品質都幾好架!! 食飽立即離場 又返酒店抖下
酒店有得播犀利人妻電影版 我地仲睇埋先落番去imax 睇電影添~~

雖然imax 太大了 但睇到一半都開始習慣 而且本身套戲非常好睇 所以好開心

今次去台北好開心~~ 因為我地完全沒有plan 去任何旅遊區~ 九份、十份、貓空全部唔去
完成影相呢個任務後只係想輕鬆放假 想食咩就咩 隨心所慾
最麻煩當然是成日食濟左啦... 真係每晚臨訓前都勁飽架!!!

第二天好輕鬆地搭一個車站到松山機場轉巴士返桃園機場 在機場foodcourt 食飽後正式完成今次旅程

blog 友聚

2013-07-05
今日好開心 Happy Friday 約了3位親愛的blog 友出來一聚 大家打打邊爐聊聊天~~
海迪為我們推介了位置尖沙咀山林道的豪門 裝修好靚啊!
而且環境好靜 很適合一邊吃一邊聊天~~~

order 了很多食物 全部都很好吃~ 價錢也比想像中便宜 其中我最欣賞竟然係魚皮 真的好好吃!



第一次見菲 同我想像中的一樣 很有活力而且很有個性
不過一點都不像準媽媽 因為仍然好瘦 大家都好羨慕呢~~
大家都好有興趣知道她之前到處「飄泊定居」的生活 因為到了不同的國家 見識總會多了..
現在終於回到新加玻定居 真好~~ 希望你之後生活會變得愈來愈充實 最緊要生個健康小寶寶啊!!!

小高同海迪已經是第二次見面了~~ 小高也是和我想像中一樣 好溫柔賢淑 又煮得一手好菜 難怪主任會如此疼愛有加啦~~~
而海迪呢~ 反而一直都以為她是弱不禁風的小女人 因為老公平時把她視作小女人照顧 原來是一個可愛的傻大姐 感覺好親切
而她們的共通點都是一班靚太~ 每天都活在幸福之中呢

雖然yahoo blog 成日都壞 但仍然好開心透過yahoo blog 認識了更多的朋友~~
我們來各不同的背景 沒有共同common friends 但不知不覺間已認識了4年吧 所以一點都不陌生
大家全程飯局無所不談 7點食到11點半才願意離開 哈哈

臨走仲收到小高親手炮製的香蕉藍莓MUFFIN 好開心啊! 成日都睇相~~ 今次終於食到了!!
多謝小高~~~~ 收到HANDMADE 食物總會覺得特別窩心的!
(我已經係第二日下午茶時段同另一半一人一件KO 左喇, Yummy^^)

明明有人幫手揸機都要自拍~~ 哈哈